U sudzie nad Marynaj Zołatavaj vystupiŭ staršynia BT. Jon upeŭnieny, što i ich parolem chtości karystaŭsia
Paśla abiedu 13 lutaha sud praciahnuŭ dopyt śviedak pra spravie Maryny Zołatavaj, da trybuny padyšoŭ staršynia «Biełteleradyjokampanii» Ivan Ejsmant, piša Tut.by
Padčas dopytu Ivan Ejsmant nie raz paŭtaraje, što infarmacyja ŭ BiełTA dakładnaja i pravieranaja, i «kaštuje hrošaj». Pra «spravie BiełTA» Ejsmant daviedaŭsia sa ŚMI.
— Značna paźniej byŭ vyklikany na dopyt u SK i daviedaŭsia, što parol «Biełteleradyjokampanii» byŭ vykarystany supracoŭnicaj tut.by, nie pamiataju jaje proźvišča, — raspaviadaje śviedka.
Tut treba adznačyć, što ŭ «spravie BiełTA» nie było fihuranta — supracoŭnika Tut.by, jaki b karystaŭsia parolem «Biełteleradyjokampanii».
Pa słovach Ejsmanta, u «Biełteleradyjokampanii» była płatnaja padpiska na BiełTA, u asnoŭnym joju karystałasia navinavaja słužba. Siarod pieravah takoj padpiski jon nazyvaje mahčymaść sačyć za važnym i aktualnym u režymie stenahramy.
— Kali my adzdymali i źjechali, to jany (žurnalisty BIEŁTA) pracujuć da kanca. U ich znachodziš infarmacyju, jakuju ty nie čuŭ, — zajaviŭ jon.
Pavodle słoŭ Ivana Ejsmanta, roźnica pamiž źjaŭleńniem naviny ŭ płatnaj padpiscy i na sajcie składaje 10-15 chvilin.
— Tut usio ŭ adnym miescy, usio samaje cikavaje, - dadaje śviedka.
Na jaho dumku, kali navina z zakrytaj padpiski źjaviłasia raniej, čym na sajcie, nie treba «vialikaha rozumu», kab zrazumieć, chto ŭziaŭ.
— U nas taksama jość sajt, navat 10 chvilin važnyja, i heta paćvierdzić luby žurnalist. (…) Kali ty zarablaješ na hetym hrošy, to tabie važna vydać jaje pieršym, — raspaviadaje Ivan Ejsmant. — Potym ty z hetymi ličbami idzieš da rekłamadaŭcaŭ, ich cikaviać rejtynhi. (…) Usie chočuć dakazać, što nas šmat hladziać, nas šmat čytajuć.
Śviedka jašče raz paŭtaraje, što 10 chvilin heta vielizarnaja pieravaha i kaštuje hrošaj.
Pra nastupstvy adnaho zachodu Ejsmant kamientuje tak:
— Dla nas luby zboj nadzvyčajnaje zdareńnie. Nie skazać, kab my spynilisia.
Supracoŭnica BiełTA ŭ sudzie zajaviła, što vydavała paroli biez damovy pa prośbie kiraŭnictva
Azaronak napisaŭ pra palitemihranta — paśla hetaha brata i baćku taho kinuli za kraty2
Azaronak napisaŭ pra palitemihranta — paśla hetaha brata i baćku taho kinuli za kraty
Jak vypadkovaje znajomstva ŭ hiej-kłubie skončyłasia hučnym zabojstvam. Novyja detali pa spravie biełarusa, jaki 25 hadoŭ tamu zarezaŭ pradziusara ŭ Maskvie66
Kamientary