У судзе над Марынай Золатавай выступіў старшыня БТ. Ён упэўнены, што і іх паролем хтосьці карыстаўся
Пасля абеду 13 лютага суд працягнуў допыт сведак пра справе Марыны Золатавай, да трыбуны падышоў старшыня «Белтэлерадыёкампаніі» Іван Эйсмант, піша Tut.by
Падчас допыту Іван Эйсмант не раз паўтарае, што інфармацыя ў БелТА дакладная і правераная, і «каштуе грошай». Пра «справе БелТА» Эйсмант даведаўся са СМІ.
— Значна пазней быў выкліканы на допыт у СК і даведаўся, што пароль «Белтэлерадыёкампаніі» быў выкарыстаны супрацоўніцай tut.by, не памятаю яе прозвішча, — распавядае сведка.
Тут трэба адзначыць, што ў «справе БелТА» не было фігуранта — супрацоўніка Tut.by, які б карыстаўся паролем «Белтэлерадыёкампаніі».
Па словах Эйсманта, у «Белтэлерадыёкампаніі» была платная падпіска на БелТА, у асноўным ёю карысталася навінавая служба. Сярод пераваг такой падпіскі ён называе магчымасць сачыць за важным і актуальным у рэжыме стэнаграмы.
— Калі мы адздымалі і з'ехалі, то яны (журналісты БЕЛТА) працуюць да канца. У іх знаходзіш інфармацыю, якую ты не чуў, — заявіў ён.
Паводле слоў Івана Эйсманта, розніца паміж з'яўленнем навіны ў платнай падпісцы і на сайце складае 10-15 хвілін.
— Тут усё ў адным месцы, усё самае цікавае, - дадае сведка.
На яго думку, калі навіна з закрытай падпіскі з'явілася раней, чым на сайце, не трэба «вялікага розуму», каб зразумець, хто ўзяў.
— У нас таксама ёсць сайт, нават 10 хвілін важныя, і гэта пацвердзіць любы журналіст. (…) Калі ты зарабляеш на гэтым грошы, то табе важна выдаць яе першым, — распавядае Іван Эйсмант. — Потым ты з гэтымі лічбамі ідзеш да рэкламадаўцаў, іх цікавяць рэйтынгі. (…) Усе хочуць даказаць, што нас шмат глядзяць, нас шмат чытаюць.
Сведка яшчэ раз паўтарае, што 10 хвілін гэта велізарная перавага і каштуе грошай.
Пра наступствы аднаго заходу Эйсмант каментуе так:
— Для нас любы збой надзвычайнае здарэнне. Не сказаць, каб мы спыніліся.
Супрацоўніца БелТА ў судзе заявіла, што выдавала паролі без дамовы па просьбе кіраўніцтва
Цяпер чытаюць
«Часцей за ўсё жучок ставяць недалёка ад разетак». Як сілавікі праслухоўваюць беларусаў па тэлефоне і ў кватэрах9
Каментары