Pakazy projduć u kinateatry «Maskva» (pr. Pieramožcaŭ, 13).
«Forest Hamp», «Chroniki Narnii» i «Uołter Mici» viartajucca: «Biełaruskija ŭikendy» robiać paŭtor samych chitovych filmaŭ na Dzień rodnaj movy.
Na pačatku 2019 hoda «Biełaruskija ŭikendy» pravodzili hałasavańnie siarod hledačoŭ — jakija ź filmaŭ prajekta varta paŭtaryć. Bolš jak 1500 čałaviek abrali «Foresta Hampa», «Chroniki Narnii» i «Uołtera Mici» najlepšymi filmami.
Tamu «Kinakonh» pry padtrymcy velcom ładzić paŭtornyja pakazy hetych filmaŭ pa-biełarusku. Imprezy prymierkavanyja da Dnia rodnaj movy:
22 lutaha (piatnica) — «Forest Hamp».
«Forest Hamp» — cikavaja historyja niezvyčajnaha losu, jakaja atrymała ŭ 1995 hodzie 6 premij «Oskar», u biełaruskaj ahučcy film pahladzieła bolš za 2000 čałaviek.
23 lutaha (subota) — «Chroniki Narnii».
«Chroniki Narnii: Leŭ, Viadźmarka i harderob» — cudoŭnaja ekranizacyja znakamitaj knihi, pierakład jakoj byŭ prezientavany razam ź filmam.
24 lutaha (niadziela) — «Tajemnaje žyćcio Uołtera Mici».
Admysłova da premjery filma «Tajemnaje žyćcio Uołtera Mici» byŭ źniaty videaklip na śpieŭ ź filma — pierakładzieny na biełaruskuju movu Space Oddity Devida Boŭi, jaki vykanała maładaja śpiavačka Valeryja Jaskievič i muzyka hurta ŁSP Piotr Klujeŭ. Klip byŭ źniaty na dachu ofisa kampanii velcom. Videa nabrała kala miljona prahladaŭ na YouTube i ŭ sacsietkach.
Pakazy projduć u kinateatry «Maskva». Kvitki možna nabyć u kasach kinateatra i anłajn.
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi8
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary