U kancertnaj zale O2 Arena u Łondanie prajšła 38-ja cyrymonija ŭručeńnia premii Brit Awards, padčas jakoj ŭznaharodzili najlepšych pop-muzykantaŭ hoda.
Najlepšym hurtom pryznali «1975». Jany zmahli abahnać takija kalektyvy, jak Arctic Monkeys, Gorillaz, Little Mix i Years & Years. Akramia taho, jany atrymali ŭznaharodu za albom A Brief Inquiry Into Online Relationships.
«Hałoŭnym śpievakom» staŭ Džordž Ezra, a śpiavačkaj — Džordža Śmit. Kielvin Charys i Dua Lipa byli ŭdastojeny ŭznaharody «Najlepšy brytanski sinhł» za ich pieśniu One Kiss. Charysa taksama adznačyli jak najlepšaha pradziusara.
Amierykanskaj vakalistcy Pink uručyli pryz za vydatny ŭkład u raźvićcio muzyčnaj industryi. Siarod zamiežnych artystaŭ brytanskija krytyki taksama adznačyli Aryjanu Hrande, repiera Drejka i duet The Carters (Biejonse i Jay-Z)
Premija Brit Awards Brytanskaj asacyjacyi vytvorcaŭ fanahram uručajecca štohod z 1982 hoda i ličycca brytanskim anałaham «Hremi»
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy20
Kamientary