Načalnik upraŭleńnia infarmacyi i ličbavaj dypłamatyi MZS Anatol Hłaz prakamientavaŭ pravaradykalnuju akcyju (marš pamiaci), što maje prajści ŭ subotu ŭ polskaj Hajnaŭcy — miescy kampaktnaha pražyvańnia etničnych biełarusaŭ
«My ŭsprymajem hetuju infarmacyju, miakka kažučy, ź vialikim škadavańniem. Asabliva na fonie niadaŭniaha abjektyŭna značnaha vizitu ŭ Polšču našaj delehacyi pad kiraŭnictvam staršyni Savieta Respubliki Michaiła Miaśnikoviča», — adznačyŭ A. Hłaz.
Čytajcie: Što za vioska Zalešany i čamu jaje naviedaje Miaśnikovič?
«Bandfarmavańni pad kiraŭnictvam vajennaha złačyncy Ramualda Rajsa, viadomaha pad psieŭdanimam «Bury», jakoha płanujuć prasłaŭlać nacyjanalisty padčas tak zvanaha maršu «vyklatych sałdat», u 1946 hodzie zrabiła kryvavy rejd pa Padlaššy, u vyniku jakoha byli spaleny piać viosak i zabityja 79 mirnych žycharoŭ kraju».
«Takich złačyncaŭ nielha atajasamlivać z baraćboj za niezaležnaść Polščy, ich dziejnaść nosić rysy hienacydu. Pa hetaj pryčynie my vystupali i vystupajem suprać hłaryfikacyi i dziela ŭšanavańnia pamiaci Ramualda Rajsa i jaho sałdat.
Marš 23 lutaha ŭ horadzie, dzie kampaktna pražyvajuć etničnyja biełarusy, u tym liku naščadki tych, chto zahinuŭ z-za «Buraha», - heta pravakacyja, nakiravanaja na stvareńnie napružanaści, kanfliktaŭ na nacyjanalnaj, relihijnaj i histaryčnaj hlebie pamiž biełarusami i palakami.
Vykazvajem nadzieju, što pradstaŭniki ŭładaŭ i hramadzianie Polščy zmohuć dać padobnym akcyjam naležnuju acenku, vystupić suprać ich praviadzieńnia i nie dapuścić arhanizacyi takich mierapryjemstvaŭ u dalejšym, zabaraniŭšy ich na zakanadaŭčym uzroŭni», — havorycca ŭ adkazie MZS.
***
Nahadajem, što dniami akruhovy sud u Biełastoku skasavaŭ rašeńnie burmistra Hajnaŭki zabaranić marš pamiaci «žaŭnieraŭ vyklentych». Marš maje adbycca 23 lutaha, kali ŭ Polščy adznačajuć dzień pamiaci antynacysckaha i antysavieckaha padpolla i Armii Krajovaj.
U Hajnaŭcy marš vyklikaje abureńnie častki žycharoŭ. Svaimi karnymi akcyjami partyzany «Buraha» ŭ 1946—1947 hadach sprabavali adstrašyć ludziej ad supracy z kamunistyčnymi ŭładami i vyklikać vyjezd pravasłaŭnych z Padlašša ŭ BSSR.
Biełaruskaja pamiać pra «žaŭnieraŭ vyklentych»
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ6
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary