Prezidenckaja honka va Ukrainie, novyja rejtynhi: ataki rasijskich ŚMI na Parašenku dajuć advarotny efiekt
Simpatyi Rasii na ŭkrainskich vybarach abaznačylisia: rasijskija ŚMI atakujuć prezidenta Ukrainy Piatra Parašenku i maŭčać pra jahonych kankurentaŭ. Adnak takija ataki tolki dapamahli Parašenku ŭmacavać svoj imidž dziaržaŭnika.
Novaje apytańnie hramadskaj dumki, praviedzienaje aŭtarytetnym Centram sacyjalnych i markietynhavych daśledavańniaŭ «Socys», pakazała, što adryŭ Parašenki ad Zialenskaha skaraciŭsia, a Julija Cimašenka, naadvarot, adstaje.
Siarod tych, chto abaviazkova budzie hałasavać i vyznačyŭsia z vybaram, 23,8% apytanych addali b hałasy za Uładzimira Zialenskaha, 20,3% — za Piatra Parašenku, 15,9% — za Juliju Cimašenka.
Kala 20% vybarščykaŭ jašče nie viedajuć, za kaho addaduć svoj hołas, i takaja ž kolkaść vahajecca, ci iści na vybarčyja ŭčastki.
Na starcie prezidenckaj honki napieradzie išła Cimašenka.
Rejtynhi astatnich kandydataŭ zastajucca praktyčna niaźmiennyja.
Juryj Bojka, jaki abapirajecca na prarasijskich vybarcaŭ uschodu i poŭdnia, źbiraje 11,5%.
Były ministr abarony Hrycenka, jakoha padtrymlivajuć antyaliharchičnyja i prazachodnija koły, — 6,6%.
Papulist Laško moža raźličvać na 5,5%.
Mer Lvova Sadovy nabiraje 3,2% hałasoŭ.
Kandydat ad nacyjanalistaŭ z abjadnańnia «Svaboda» Kašulinski moža raźličvać tolki na 0,9% hałasoŭ. Nie sabrali padtrymki i były kiraŭnik Słužby biaśpieki Ukrainy Nalivajčanka dy paplečnik Juščanki Raman Biaśśmiertny, jakija taksama aryjentujucca na patryjatyčny elektarat. Hałasy nacyjanał-demakrataŭ usio ž akumulujuć Parašenka, Hrycenka i Sadovy.
Piatro Parašenka karystajecca najbolšaj padtrymkaj u Kijevie, na zachadzie i ŭ centry Ukrainy. Jon u svajoj ahitacyi robić akcent na ŭmacavańnie armii i nacyjanalnaj identyčnaści. U pryvatnaści, jamu ŭdałosia dabicca pryznańnia aŭtakiefalnaj pravasłaŭnaj carkvy. Akramia taho, Parašenka padkreślivaje, što ŭdałosia dabicca ekanamičnaj stabilizacyi, zarobki rastuć. Krytyki Parašenki vinavaciać jaho ŭ kansiervacyi aliharchičnaha kantrolu nad ekanomikaj i vyvadzie srodkaŭ u afšory.
Zialenski najbolš papularny na poŭdni i ŭschodzie Ukrainy, za jaho hatovy hałasavać pratestavy elektarat. Krytyki adznačajuć jaho ciesnuju suviaź z aliharcham Iharam Kałamojskim. Šou Zialenskaha vychodzić na telekanale, jaki naležyć Kałamojskamu. Akramia taho, stavicca pad sumnieŭ zdolnaść Zialenskaha być hałoŭnakamandujučym i krytykujuć jaho niaŭmieńnie havaryć pa-ŭkrainsku.
Kamientary