U finale ŭkrainskaha adboru piesiennaha konkursu Jeŭrabačańnie-2019 pieramahła śpiavačka Hanna Korsun, bolš viadomaja jak MARUV.
MARUV nabrała 11 bałaŭ — 5 ad sudździaŭ i 6 ad hledačoŭ.
U svaju čarhu sudździ dali maksimalnuju kolkaść bałaŭ Freedom Jazz.
Ale kančatkovaje rašeńnie — ci pajedzie MARUV na «Jeŭrabačańnie» ad Ukrainy prymuć na praciahu dvuch sutak. Pra heta paviedamiła siabra praŭleńnia Nacyjanalnaj hramadskaj teleradyjokampanii Ukrainy Alaksandra Kalcova.
«Ciapier my pavinny zaćvierdzić abo ŭzhadnić pieramožcu, jaki pajedzie ad Ukrainy. I my, jak Hramadskaje viaščańnie, prysłuchoŭvajemsia da hramadstva. U hramadstvie ciapier jość roznyja mierkavańni, ci moža vykanaŭca, jaki maje kancertnuju dziejnaść u Rasii, pradstaŭlać Ukrainu. U našaj damovie jość punkt, jaki nam treba abmierkavać z MARUV», — raspaviała Kalcova.
Na pytańnie, ci budzie ŭ advarotnym vypadku Ukrainu pradstaŭlać hrupa Freedom Jazz, jakaja zaniała druhoje miesca ŭ adbory, Kalcova adkazała: «Na žal pakul što nie mahu skazać. My chacieli b pačuć ad MARUV adkazy, i viadoma chaciełasia b zrabić dyskurs va ŭkrainskim hramadstvie: ci moža artyst, jaki pradstaŭlaje Ukrainu na Jeŭrabačańni, jeździć z kancertami ŭ Rasiju».
Na pytańnie, ci jość kankretnaje patrabavańnie da MARUV abjavić pra spynieńnie kancertaŭ u Rasii, Kalcova adkazała: «U nas jość punkt u damovie, jaki praduhledžvaje peŭnyja rašeńni — jany pavinny jaho pryniać».
Ciapier čytajuć
Jany pajšli ad nas u 2025 hodzie. Zhadvajem biełarusaŭ, jakich my stracili1
Kamientary