U Minskim zaaparku pasialilisia dźvie amurskija tyhrycy FOTA
Dźvie amurskija tyhrycy — siostry Jarasłava i Vasilisa — prybyli ŭ Minski zaapark ź Pienzienskaha, paviedamili karespandentu ahienctva «Minsk-Naviny» va ŭstanovie.
Amurskija tyhry — samyja bujnyja pradstaŭniki kacinych na Ziamli. Hety redki vid zaniesieny ŭ Mižnarodnuju čyrvonuju knihu i znachodzicca pad pilnaj uvahaj navukoŭcaŭ.
U pryrodzie amurskija tyhry žyvuć u bolš chałodnych rajonach, čym bienhalskija, tamu poŭść u Jarasłavy i Vasilisy vielmi hustaja i pušystaja. A jašče ŭ ich vušy značna mienšyja, čym u bienhalskaha tyhra Sajmana, jaki taksama žyvie ŭ zaaparku.
Pałasatym siostram 7 lutaha spoŭniłasia 8 miesiacaŭ. U zaaparku tyhry mohuć žyć da 20 hadoŭ.
Jak mnohija kacinyja, tyhry viaduć načny ład žyćcia. U dzionny čas Jarasłava i Vasilisa čaściej za ŭsio chavajucca ŭ domie, a ŭ vuličny valjer vychodziać bližej da viečara. Pierasoŭvajucca pałasatyja pryhažuni biasšumna i vydatna maskirujucca.
Niahledziačy na toje, što siostry vielmi padobnyja źniešnie, charaktar u ich zusim rozny. Vasilisa bolš spakojnaja i ŭpeŭnienaja ŭ sabie, jana spakojna reahuje na supracoŭnikaŭ zaaparka, jakija jaje dahladajuć. Jarasłava pakul stavicca ź niedavieram, časam pałochajecca i vykazvaje svaju niezadavolenaść. Varta adznačyć, što tyhrycy ŭžo abžylisia na novym miescy, z apietytam jaduć, adhukajucca na mianuški.
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki2
Kamientary