Дзве амурскія тыгрыцы — сёстры Яраслава і Васіліса — прыбылі ў Мінскі заапарк з Пензенскага, паведамілі карэспандэнту агенцтва «Мінск-Навіны» ва ўстанове.
Амурскія тыгры — самыя буйныя прадстаўнікі каціных на Зямлі. Гэты рэдкі від занесены ў Міжнародную чырвоную кнігу і знаходзіцца пад пільнай увагай навукоўцаў.
У прыродзе амурскія тыгры жывуць у больш халодных раёнах, чым бенгальскія, таму поўсць у Яраславы і Васілісы вельмі густая і пушыстая. А яшчэ ў іх вушы значна меншыя, чым у бенгальскага тыгра Саймана, які таксама жыве ў заапарку.
Паласатым сёстрам 7 лютага споўнілася 8 месяцаў. У заапарку тыгры могуць жыць да 20 гадоў.
Як многія каціныя, тыгры вядуць начны лад жыцця. У дзённы час Яраслава і Васіліса часцей за ўсё хаваюцца ў доме, а ў вулічны вальер выходзяць бліжэй да вечара. Перасоўваюцца паласатыя прыгажуні бясшумна і выдатна маскіруюцца.
Нягледзячы на тое, што сёстры вельмі падобныя знешне, характар у іх зусім розны. Васіліса больш спакойная і ўпэўненая ў сабе, яна спакойна рэагуе на супрацоўнікаў заапарка, якія яе даглядаюць. Яраслава пакуль ставіцца з недаверам, часам палохаецца і выказвае сваю незадаволенасць. Варта адзначыць, што тыгрыцы ўжо абжыліся на новым месцы, з апетытам ядуць, адгукаюцца на мянушкі.
Цяпер чытаюць
Ад прыватнікаў патрабуюць завесці ідэолага ў штаце — распыталі, што робяць кампаніі17
Каментары