Što rabić, kali niama jak prajechać pa vulicy, a darožniki jaje nie ramantujuć — parady ad Antona Matolki
Čytač «Našaj Nivy» paskardziŭsia na stan asfaltu na vulicy ŭ Ždanovičach.
Čytajcie: Heta nie Jakucija i nie Łuhansk. Heta vulica ŭ Ždanovičach, jakaja viadzie da škoły-internata FOTY
Jak vyrašyć hetuju prablemu? Aktyvist Anton Matolka prapanavaŭ ałharytm dziejańniaŭ.
«Jość davoli dakładny ałharytm, što treba rabić. I adkaz «niama hrošaj» — heta nie adkaz, heta parušeńnie zakanadaŭstva «Ab zvarotach hramadzian i jurydyčnych asobaŭ» (artykuł 14 i 18) (padrabiaźniej — z uzoru zvarotu ŭ prakuraturu za adkaz nie pa sutnaści / nie na ŭsie pytańni).
1. Napisać zvarot (lepš kalektyŭny praz petitions.by) u rajvykankam (u dadzienym vypadku — Minskaha rajona), z patrabavańniem:
a) adramantavać prajeznuju častku ŭ adpaviednaści ź dziejnymi normami, adramantavać jamy, adnavić aśviatleńnie, dzie nie pracuje;
b) raspracavać PKD (prajektna-kaštarysnuju dakumientacyju) i abstalavać tratuary dla ruchu piešachodaŭ;
v) pakolki i na toje, i na toje hrošaj nie budzie — vydzielić finansavańnie dla praviadzieńnia dadzienych rabot.
2. Dalej. Jość davoli prosty artykuł u Administracyjnym kodeksie Biełarusi: artykuł 18.38 KaAP — Parušeńnie praviłaŭ utrymańnia daroh, vulic, čyhunačnych pierajezdaŭ i inšych darožnych zbudavańniaŭ.
«Parušeńnie praviłaŭ utrymańnia daroh, vulic, čyhunačnych pierajezdaŭ, techničnych srodkaŭ arhanizacyi darožnaha ruchu i inšych darožnych zbudavańniaŭ u biaśpiečnym dla ruchu stanie abo nieprymańnie mier dla svoječasovaj zabarony abo abmiežavańnia ruchu asobaj, adkaznaj za ich stan, — ciahnuć nakładańnie štrafu ŭ pamiery ad 4 da 20 bazavych vieličyń».
Pamiery defiektaŭ, zhodna z STB 1291-2016, nie pavinny pieravyšać:
- 5 sm pa hłybini,
- 0,09 kvadratnych mietra pa płoščy (30 ch 30 sm),
- adchileńnie viečka luka ad uzroŭniu pakryćcia nie bolšaje za 2 sm,
- liŭnievyja ścioki pa krai prajeznaj častki nie vyšejšyja za 1 sm i nie nižejšyja čym na 3 sm.
Voś hetyja viedy vielmi dapamahajuć z rašeńniem łakalnych prablem, źviazanych sa stanam daroh u lubym rehijonie. Pažadana jak maha bolš kankretyzavać prablemu (nie ŭsiudy vulicy drennyja, a na kankretnym učastku kankretnaj vulicy).
3. Dasyłać čaściej za ŭsio treba elektronnym zvarotam / pietycyjaj na petitions.by u rajvykankam i ŭ DAI (UUS vobłaści). DAI vydaść «pradpisańni» vykankamu, kab tyja ŭ najbližejšy čas papravili darohu.
Kali jość pytańni — pišycie ŭ čat u telehramie abo karystajciesia instrukcyjami pa spasyłcy.
Ciapier čytajuć
«Biełaruś ciabie lubić». Repartaž z raźvitańnia ź Mikitam Miełkazioravym10
Kamientary