Heta nie Jakucija i nie Łuhansk. Heta vulica ŭ Ždanovičach, jakaja viadzie da škoły-internata FOTY
«Ja paprasiŭ syna sfatahrafavać našy vulicy i pasłać u internet, — piša nam Alaksandr Astroŭski sa Ždanovič Minskaha rajona. — Vy čuli pra Ždanovičy — heta ŭ lesie kala nas pabudavali novuju, supiersučasnuju prezidenckuju kliniku. Tam usio na najvyjšejšym uzroŭni. Ale varta vam pierajści čyhunku, i vy traplajecie ŭ inšuju realnaść.
Ja paprasiŭ sfatahrafavać «centralnyja», možna tak skazać, vulicy Tankistaŭ i Šyrokuju. Centralnymi ja ich nazyvaju, bo pa ich idzie najbolšy transpartny patok i tut ža chodziać ludzi na stancyju, u centr ahraharadka, dzieci ŭ škołu, baćki ź dziećmi — u sadki. Tratuaraŭ niama. Asfalt raźbity nastolki, što mašyny cisnucca da aharodžaŭ, kab nie raźbić padviesku. I tut ža, siarod jam, kala aharodžaŭ, cisnucca ludzi.
Bolš za toje, heta vulica, pa jakoj na elektryčku i z elektryčki, na aŭtobus i z aŭtobusa, u mahazin i na poštu chodziać piedahohi i vučni škoły-internata dla dziaciej z parušeńniami słychu.
Heta kiepska skončycca: skončycca avaryjaj, trahiedyjaj. Niaŭžo treba trahiedyja, kab pabudavać elemientarnyja tratuary na asnoŭnych vulicach ad stancyi da škoły-internata dla hłuchich dziaciej?
Vulicy — heta naša hańba. Ja kažu synu: buduć Jeŭrapiejskija hulni, sustrenieš turystaŭ, pryviazi ich i pakažy im, jak my žyviom. Jakija ŭ nas «čyścinia i paradak» navat u centry krainy.
Ždanovicki sielvykankam adpisvaje: hrošaj niama. «Minski ramaŭtadar» štohod mnie piša adpiski: «Vaša vulica ŭ płan asfaltavańnia nie ŭklučanaja. A na vulicach takich i takich ažyćcioŭleny jamačny ramont». Jany, sapraŭdy, dva razy na hod staviać łatki. Praź miesiac tyja łatki znoŭ rassypajucca, bo prydarožnyja kanaŭki abo vodaadviadzieńnie adsutničaje, maroz i vada chutka razburajuć pakryćcio. Patrebny kapitalny ramont. I jašče raz paŭtarusia: na takich vuzkich vulicach, jak naša, dzie chodziać školniki, patrebnyja tratuary!
A ŭ ich «srodkaŭ niama», ja nie vieru. «Niama srodkaŭ» na vulicy, dzie žyvuć ludzi i chodziać dzieci. Ale srodki znajšlisia na padjezd da prezidenckaj lačebnicy», — pišuć nam sa Ždanovič Minskaha rajona.
Ciapier čytajuć
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia12
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher22
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher2
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
Kamientary