Druhi dzień samita ZŠA — KNDR u Chanoi pačaŭsia z sustrečy prezidenta ZŠA Donalda Trampa i lidara KNDR Kim Čen Yna ŭ farmacie «sam-nasam». Sustreča prachodzić u najstarejšaj haścinicy Chanoja Sofitel Legend Metropole («Mietrapol»), paviedamlaje RBK sa spasyłkaj na Reuters.
U pačatku sustrečy Tramp zajaviŭ, što zadavoleny tym, što KNDR spyniła rakietnyja puski. Amierykanski prezident taksama paabiacaŭ dapamahčy Paŭnočnaj Karei stać «mahutnaj ekanamičnaj dziaržavaj». Jon čarhovy raz vykazaŭ upeŭnienaść u tym, što KNDR vałodaje vialikim ekanamičnym patencyjałam.
«Ja ŭpeŭnieny, što Paŭnočnaja Kareja zdolnaja stać sapraŭdnym ekanamičnym łakamatyvam. Joj prosta treba trochi ŭ hetym dapamahčy. Ja dumaju, heta budzie niešta asablivaje», — skazaŭ amierykanski lidar.
Prezident ZŠA padkreśliŭ, što napiaredadni ŭ ich z Kim Čen Ynam adbyłasia vydatnaja hutarka.
«Baki ahučyli šmat dobrych idej. Dumaju, što siońnia budzie jašče lepš», - dadaŭ Tramp.
U svaju čarhu, Kim Čen Yn zajaviŭ, što prykładzie maksimum namahańniaŭ, kab pieramovy zaviaršylisia paśpiachova.
Čakajecca, što paśla razmovy dvuch lideraŭ u farmacie tet-a-tet pieramovy buduć praciahvacca ŭ pašyranym składzie. Pa ich vynikach čakajecca sumiesnaje padpisańnie dakumientaŭ, paśla čaho prezident ZŠA daść pres-kanfierencyju.
Žonka Hałyhina adśviatkavała pad Minskam dzień naradžeńnia ŭ ruskim styli — u kakošniku i z tortam-matroškaj ŠMAT FOTA20
Žonka Hałyhina adśviatkavała pad Minskam dzień naradžeńnia ŭ ruskim styli — u kakošniku i z tortam-matroškaj ŠMAT FOTA
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach1515
Kamientary