Plamieńniku Dźmitryja Kisialova dali termin u Hiermanii za vajnu na Danbasie
Sud u Miunchienie prysudziŭ plamieńnika rasijskaha televiadučaha Dźmitryja Kisialova Siarhieja Kisialova da dvuch hadoŭ i troch miesiacaŭ pazbaŭleńnia voli pa spravie ab padrychtoŭcy da ŭdziełu ŭ bajavych dziejańniach na ŭschodzie Ukrainy.
Jak paviedamlaje RTVI, sudździa pry vyniasieńni prysudu skazaŭ, što dakładna dakazać padrychtoŭku Siarhieja Kisialova da ŭdziełu ŭ bajach va Ukrainie nie atrymałasia, ale šmat što na heta pakazvaje. Sam Kisialoŭ, pa słovach jaho advakata, admaŭlaŭ padrychtoŭku da bajavych dziejańniaŭ, śćviardžajučy, što tolki čakaŭ adpraŭki ź Pieciarburha na Danbas.
Kryminalnuju spravu ŭ dačynieńni da Siarhieja Kisialova raspačali paśla taho, jak jaho dziadźka Dźmitryj Kisialoŭ u intervju 2016 h. abviaściŭ, što jaho plamieńnik z Hiermanii vajuje na Danbasie. Siarhiej Kisialoŭ byŭ zatrymany u 2018 hodzie ŭ Bałharyi pa zapycie FRH.
Kamientary