U pavietranym bai pamiž indyjskaj i pakistanskaj avijacyjaj 27 lutaha ŭdzielničali ahułam 32 samaloty, paviedamlaje telekanał NDTV.
Pavodle infarmacyi, VPS Indyi zadziejničali vosiem źniščalnikaŭ — čatyry Su-30MKI, dva madernizavanyja Dassault Mirage 2000 i dva MiH-21. Adzin z dvuch apošnich byŭ źbity padčas boju, što było aficyjna pryznana indyjskim bokam.
Pakistan padniaŭ u pavietra 24 samaloty, siarod jakich byli vosiem F-16, čatyry Dassault Mirage III i čatyry JF-17 Thunder — źniščalniki-bambaviki sumiesnaj kitajska-pakistanskaj raspracoŭki.
Paviedamlajecca, što indyjskija lotčyki pieraśledavali pakistanskija samaloty paśla taho, jak tyja praviali bambavańnie terytoryi kala vajennych abjektaŭ uzdoŭž linii sudakranańnia ŭ Kašmiry. Kamandzir avijacyjnaha źviana Abchinandan Vartchaman (Abhinandan Varthaman) atakavaŭ F-16, užyŭšy suprać jaho rakietu R-73, ale jaho MiH-21 u hety ž momant byŭ paškodžany rakietaj AIM-120 AMRAAM, jakimi abstaloŭvajucca ŭ tym liku F-16. Vartchaman katapultavaŭsia i byŭ zatrymany pakistancami, tyja abiacali vyzvalić jaho.
U Ńju-Deli, nie ŭdakładniajučy detalaŭ, zajaŭlali, što indyjskaja avijacyja źbiła adzin z pakistanskich źniščalnikaŭ. Taksama indyjskaja presa pisała, što źbitym pakistanskim samalotam byŭ F-16, adnak u Pakistanie heta abviarhajuć, spasyłajučysia na toje, što 27 lutaha hetaja technika ŭ pavietra nie padymałasia.
-
Bienhalskija ahni na šampanskim stali pryčynaj pažaru ŭ bary ŭ Šviejcaryi, dzie zahinuli 40 čałaviek
-
Kirujučaja partyja Hiermanii choča vysyłać siryjcaŭ, jakija biehli ad hramadzianskaj vajny, nazad na radzimu — navat rehularnymi rejsami
-
Jeŭrakamisija pačała rasśledavańnie z-za tyktokaŭ, stvoranych z dapamohaj štučnaha intelektu, jakija zaklikajuć da vychadu Polščy ź ES
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»3
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary