«Ja što, varjat? Ja što, chaču stracić žyćcio, reputacyju?» — skazaŭ Zialenski ŭ adkaz na pytańnie žurnalistaŭ Reuters pra toje, ci budzie jon viartać Pryvatbank aliharchu Kałamojskamu.
Kandydat u prezidenty Ukrainy Uładzimir Zialenski ŭ intervju zajaviŭ, što ŭ jaho stroha prafiesijnyja adnosiny z Kałamojskim. Jon kaža, što nie źbirajecca, jak aścierahajucca niekatoryja, viartać najbujniejšy bank Ukrainy, Pryvatbank, Kałamojskamu ŭ vypadku pieramohi na vybarach.
Urad Ukrainy nacyjanalizavaŭ najbujniejšy bank krainy Pryvatbank u 2016 hodzie, a taksama zajaviŭ, što bank vykarystoŭvaŭsia dla maštabnaha machlarstva i admyvańnia hrošaj. Uładalnik banka aliharch Kałamojski nazvaŭ hetyja abvinavačvańni tryźnieńniem i skazaŭ, što bank byŭ nacyjanalizavany pa nadumanych pryčynach.
Krytyki Zialenskaha adznačajuć jaho ciesnuju suviaź z aliharcham Kałamojskim i bajacca, što ŭ vypadku abrańnia Zialenskaha novy prezident moža stać maryjanietkaj źbiehłaha aliharcha.
Kamientary