U Bielhii arhanizatary pierapynili žanočuju viełahonku, kali adna z spartsmienak zdahnała mužčyn
Arhanizatary viełahonki ŭ Bielhii spynili spartsmienku Nikol Chanselman, kali jana zdahnała mužčyn. Pra heta piša vydańnie Cyclingnews.
Spabornictvy mužčyn i žančyn u hety dzień startavali z adnaho i taho ž miesca. Mužčynskaja honka pačałasia na 10 chvilin raniej.
Byłaja čempijonka Šviejcaryi Chanselman startavała całkam udała i navat lidziravała dźvie chviliny. Ale kali jana nahnała mužčynskuju častku viełahonki, arhanizatary paprasili jaje krychu pačakać.
«My padabralisia zablizka da mužčyn, i treba było zachavać niejtralny pramiežak času pamiž honkami. Heta było trochi prykra, bo ŭ mianie byŭ dobry nastroj. Da taho ž, kali astatnija bačać, što ty spyniŭsia, u ich źjaŭlajecca dadatkovy stymuł ciabie pierahnać», — skazała jana vydańniu.
Pa słovach Chanselman, žanočuju honku pierapynili na piać-siem chvilin. Kali jaje adnavili, joj dali foru dziasiatak mietraŭ, ale joj nie ŭdałosia ŭtrymać lidarstva.
Spartsmienka napisała u svaim instahramie, što adarvałasia ad asnoŭnaj hrupy praź siem chvilin paśla pačatku honki i amal 30 kiłamietraŭ lidziravała, da taho jak adbyŭsia hety «niajomki momant» i jana nahnała mužčyn.
«Moža, ja i inšyja žančyny byli zachutkimi, ci mužčyny — zamarudnymi», — dadała jana.
Ciapier čytajuć
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak11
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary