Aficyjny łahatyp «Dnia Voli» ad Uładzimira Ceślera vykłali dla ahulnaha vykarystańnia. SPAMPUJCIE
U miežach padrychtoŭki da adznačeńnia «Dnia Voli 2019» lubaja hramadskaja arhanizacyja, kamiercyjnaja kampanija ci pryvatnaja inicyjatyva mohuć samastojna prydumać svajo mierapryjemstva pa papularyzacyi i hodnym adznačeńni «Dnia Voli 2019».
Arhanizatary zaćvierdzili łahatyp Uładzimira Ceślera jak aficyjny, raspracavali šmat makietaŭ dla pradukcyi i prapanujuć usim zacikaŭlenym jaho vykarystoŭvać dla śviatkavańnia ŭ svaich haradach, arhanizacyi mierapryjemstvaŭ i vyrabu luboj pradukcyi.
Symbal.by apublikavali sychodnyja fajły łahatypa ŭ viektarnym i rastravym farmatach z prykładami vizualizacyi dla absalutna volnaha vykarystańnia ŭ roznych metach.
Sychodniki łahatypa «Dnia Voli» ad Uładzimira Ceślera vykładzieny dla ahulnaha vykarystańnia.
Što heta značyć?
U archivie vykładzienyja fajły łahatypa ŭ rastravym i viektarnym farmatach. Kožny žadajučy ŭ luboj kropcy śvietu moža spampavać hetyja fajły i absalutna volna vykarystoŭvać jak u hramadskich, tak i kamiercyjnych metach dla vyrabu i raspaŭsiudu roznaj pradukcyi pryśviečanaj «Dniu Voli».
Archiŭ pa spasyłcy budzie dapaŭniacca dyzajnami raznastajnaj pradukcyi: płakaty, nalepki, ulotki, paštoŭki, znački, baniery, špalery dla telefonaŭ i noŭtbukaŭ, avatarki dla sacyjalnych sietak dy inšaje.
Vykarystoŭvajcie hetyja materyjały i rabicie svaje śviaty na «Dzień Voli» ŭ zručnych dla vas farmatach dy raspaviadajcie ŭ svaich sacyjalnych sietkach jak vy adznačajecie 101 hod BNR, vykarystoŭvajučy chešteh #BNR101.
Firmovy styl 100-hodździa BNR taksama absalutna biaspłatna možna spampavać i vykarystoŭvać. Jon raźmieščany tut.
-
Ź Biełarusi ŭ Rasiju sprabavali niezakonna vyvieźci pad tonu rahoŭ
-
Na zapraŭcy pad Minskam kavu nalivaje robat-barysta. Nakolki heta zručna?
-
«Nie zabirajcie ŭ dziaciej sa śmiarotnym dyjahnazam apošniaje!» Blizkija chvorych na rak dziaciej źviarnulisia da Łukašenki z prośbaj nie źniščać fond «KinderVita»
Aryštavany 75‑hadovy Źmicier Sańko — vieteran-vydaviec3
Kamientary