Reštki 990 achviar vajny padniali na pavierchniu ŭ Breście. Miesca hieta ŭviekaviečać i zrobiać tam zialonuju zonu
Na miescy masavaha pachavańnia časoŭ Vialikaj Ajčynnaj vajny ŭ Breście znojdzieny reštki 990 čałaviek. Pra heta paviedamiŭ mer Bresta Alaksandr Rahačuk, pieradaje BiełTA.
Masavaje pachavańnie było vyjaŭlena 17 studzienia na rahu vulicy Kujbyšava i praśpiekta Mašerava, dzie pačałosia budaŭnictva žyłoha kvartała.
«Byli aściarohi, što padčas hetaj pracy buduć znojdzienyja pareštki. I inviestar heta viedaŭ. Uličvajučy znachodžańnie hieta ŭ hetym rajonie, mierkavałasia, što budzie iści havorka pra dziasiatki čałaviek. Na hety momant užo dastali astanki 990 čałaviek. Hetaj ličby nie čakaŭ nichto: ni hramadskija dziejačy, ni navukoŭcy. Dla nas heta šok. Raskopki praciahvajucca, ich viadzie śpiecyjalizavany bataljon Ministerstva abarony», — skazaŭ Alaksandr Rahačuk.
Miž tym katłavan pad plamu zabudovy praktyčna hatovy. Pry hetym pa prajekcie padmurki budučaha budynka znachodziacca za niekalki mietraŭ ad pachavańnia.
«Da taho času, pakul nie buduć vyniatyja apošnija reštki, ni pra jakoje budaŭnictva ŭ hetym kvartale nie moža być i havorki. Taja praca, jakaja ciapier viadziecca ŭzdoŭž pieršaj linii, nie maje nijakaha dačynieńnia da miesca pachavańnia. My trymajem pytańnie na kantroli, hatovyja da lubych prapanoŭ pa ŭviekaviečańni pamiaci niavinnych achviar fašyzmu», — adznačyŭ mer.
Zaraz prapracoŭvajucca roznyja varyjanty ŭšanavańnia pamiaci achviar hieta.
«Na miescy pachavańnia nie budzie ničoha, akramia zialonych hazonaŭ. Navat parkovačnych miescaŭ, dziciačych placovak tam nie budziem raźmiaščać. A toje, što historyju hieta i pamiać pra jaho achviaraŭ treba ŭviekaviečyć, — my ŭžo ciapier pra heta zadumvajemsia. Mahčyma, budzie iści havorka pra novyja kampazicyi naŭzamien starych, niejkija rytualnyja kamiani, infarmacyjnyja doški», — dapoŭniŭ mer.
Pachavańnie reštkaŭ achviar vajny budzie praviedziena z zachavańniem relihijnych kanonaŭ i tradycyj na adnych z mohiłak abłasnoha centra.
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»19
Kamientary