Va ŭročyščy «Kurapaty» paśla nieadnarazovych aktaŭ vandalizmu budzie ŭstalavana videanazirańnie, paviedamili ahienctvu «Interfaks-Zachad» u pres-słužbie ministerstva lasnoj haspadarki.
«Baraŭlanski śpieclashas uzmocnić achovu lasnoha fondu ŭ Kurapatach i ŭstaluje pa ŭsim učastku ŭročyšča srodki fota- i videafiksacyi», — adznačyli ŭ pres-słužbie.
Pavodle infarmacyi viedamstva, usiaho na terytoryi ŭročyšča płanujecca ŭstalavać kala 10 fotapastak.
Akramia taho, praciahnuli ŭ pres-słužbie, u lasnym fondzie na terytoryi ŭročyšča arhanizavana dziažurstva słužbovych asob dziaržaŭnaj lasnoj achovy.
Jak paviedamlałasia, na minułym tydni ŭ Kurapatach vandały razmalavali miescy pachavańniaŭ achviar represij. Śledčy kamitet Biełarusi raspačaŭ pa hetym fakcie kryminalnuju spravu.
Heta nie pieršy vypadak vandalizmu va ŭročyščy ŭ biahučym hodzie. U pačatku hoda vandały razburyli tak zvanuju łavu Klintana — miemaryjalny znak, ustalavany ŭ dar biełaruskamu narodu prezidentam Biłam Klintanam 25 hadoŭ tamu.
-
Pačobut nie staŭ razmaŭlać z šaściorkami — ni z Pratasievičam, ni z Vaskrasienskim
-
Vaskrasienski: Azotnyja ŭhnajeńni i sankcyi ŭ adnosinach fiz– i jurasobaŭ — i 1135 palitviaźniaŭ buduć u Vilni
-
«Pryvieźli maju žonku i skazali, što jaje buduć katavać». Para z Ukrainy raskazała žachlivuju historyju pieraśledu ŭ Biełarusi
Kamientary