Daškievič: Vam nie padabajecca słova «šuniaŭki»? Mahu nazyvać «šakały NKVD»
Maładafrontaviec Źmicier Daškievič byŭ zatrymany 24 sakavika ŭ Kijeŭskim skviery ŭ Minsku paśla vystupu na Dzień Voli. Praz dvoje sutak jaho asudzili pa administracyjnym artykule na 45 bazavych vieličyń (1150 rubloŭ) za zakliki da ŭdziełu ŭ akcyi ŭ Kurapatach. Pa vyzvaleńni Źmicier Daškievič padzialiŭsia z «NN» svaimi ŭražańniami.
«Padjechaŭ na śviatkavańnie ŭ Kijeŭski skvier nienadoŭha. Dzieci hulalisia na dziciačaj placoŭcy. Ja dumaŭ, što chvilin piatnaccać tam pabudu i pajedu ŭ Kurapaty. A tut padychodziać dva buhai, dy kažuć: «Prajdziomcie». Nu prajšli, potym prajechali. Doŭha mnie nie kazali, ź jakoj pryčyny mianie zatrymali. Tolki ŭ Centralnym rajadździele skazali, što heta zaklik da masavaj akcyi. Mnie śmiešna stała.
25 Sakavika adznačyŭ vielmi hodna na Akreścina — z salutam. Ad fiejervierka treślisia ŭsie ścieny. Vielmi dziakuju ludziam, jakija adznačali Dzień Voli i mianie paradavali.
My možam tolki zdahadvacca, za što zatrymali. Jany byli niezadavolenyja: čamu ty na nas tak, čamu «šuniaŭki»? Ja kažu: chłopcy, a jak vas tady nazyvać? Ludziej, jakija biez formy zatrymlivajuć ludziej? Jak nazyvać ludziej, jakija stajać la kabaka «Pajedziem, pajadzim» i kryčać «słava Rasii»? Vas nazyvać «supracoŭnikami zakona»?
Kali vam nie padabajucca «šuniaŭki», to skazali b. Ja paprasiŭ u vas prabačeńnia. Prydumaju inšaje słovazłučeńnie. Naprykład, «šakały NKVD Šunieviča» budu kazać. Treba rečy nazyvać svaimi imionami.
Mianie nie sudzili 25 Sakavika, bo im treba było pieračakać Dzień Voli. Mabyć, nie chacieli davać 15 sutak i kahości złavać. Ja budu abskardžvać prysud. Toje, što mnie napisali ŭ pratakole, — heta dzika navat dla biaspraŭnaj biełaruskaj dziaržavy.
Mianie sudziŭ biełaruskamoŭny sudździa (Ivan Kaścian — «NN»), bo ŭ mianie na ŭsich pratakołach zapisana: «Nie razumieju ruskaj movy». Jany mnie biez usiakich chadajnictvaŭ znajšli biełaruskamoŭnaha sudździu. I jon prahladaŭ videa vystupu, dzie ja kazaŭ, kab tyja, chto mohuć, pastavili śviečki ŭ Kurapatach. Ni daty, ni času ja nie nazyvaŭ. Jakaja tut niesankcyjanavanaja akcyja?
Niadaŭna Łukašenka kazaŭ, kab ludzi prychodzili ŭ Kurapaty, siadzieli na «łavie Klintana» dy kulali čarku ŭ kabaku. Dyk heta taksama niesankcyjanavanaja akcyja? Paradaksalna.
Praz «NN» chaču padziakavać supracoŭnikam siłavych struktur i asabista padpałkoŭniku Dzimyču, jaki kuryravaŭ majo zatrymańnie, bo chto b čuŭ maju pramovu, kab nie zatrymańnie? A tak pasłańnie było pašyrana ŭ dziasiatki i ŭ sotni razoŭ. Vielmi im udziačny za heta».
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii18
Kamientary