Žycharka Rečycy, studentka adnaho z homielskich kaledžaŭ, poźnim viečaram 25 sakavika viartałasia dadomu ŭ zdymnuju kvateru na praśpiekcie Kasmanaŭtaŭ.
Užo kala padjezda jana atrymała mocny ŭdar pa hałavie, ad jakoha straciła prytomnaść. Złamyśnik adciahnuŭ biezdapamožnuju dziaŭčynu da najbližejšaha voziera, dzie i zhvałtavaŭ, paviedamlaje pres-słužba abłasnoj milicyi.
Dziaŭčyna patelefanavała ŭ milicyju, nieadkładna na miesca zdareńnia vyjechali najbližejšyja narady milicyi, padniatyja pa tryvozie supracoŭniki kryminalnaha vyšuku RAUS i UUS.
Dać niejkija dakładnyja prykmiety paciarpiełaj było składana. Tym nie mienš apieratyŭniki kryminalnaha vyšuku adrazu ž pačali adpracoŭvać rajon u pošukach padobnaha pa prykmietach mužčyny i mahčymych śviedak, abyšli ŭsie zabaŭlalnyja i handlovyja kropki ŭ tym rajonie, aŭtazapraŭki.
U hety ž dzień uviečary byŭ zatrymany 33-hadovy žychar Buda-Kašaloŭskaha rajona. Raniej jon užo byŭ sudzimy za zhvałtavańnie i kradziažy. Złačyniec znachodziŭsia ŭ haściach u svajho siabra, jaki pražyvaŭ u pryvatnym siektary.
Mužčyna pryznaŭsia ŭ zroblenym.
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ5
Kamientary