Milicyja vyjaviła novyja fakty niezakonnaj dziejnaści eks-namieśnika kiraŭnika Biełaruskaj fiederacyi paŭerliftynhu Kanstancina Burykina, viadomaha jak «baciuška sa svastykaj». Jamu stavicca ŭ vinu prysvajeńnie daručanych finansavych srodkaŭ u bujnym pamiery, paviedamlaje pres-słužba MUS.
Apieratyŭniki ŭstanavili, što z 2014 pa 2016 hod jon vydatkavaŭ na ŭłasnyja patreby častku hrošaj, što vydzialalisia na kamandziroŭki spartsmienaŭ. Ahulnaja škoda skłała kala 17500 rubloŭ.
Pra parušeńni paviedamili niepasredna spartsmieny. Infarmacyja paćvierdziłasia, i paśla praviadzieńnia pravierki materyjały byli nakiravanyja ŭ kampietentnyja orhany dla dačy pravavoj acenki dziejańniam padazravanaha, — raspaviali ŭ HUBAZiK MUS.
Zaviedziena kryminalnaja sprava pa č. 3 art. 211 KK(prysvajeńnie abo rastrata). Maksimalnaje pakarańnie — 7 hadoŭ źniavoleńnia.
Nahadajem, što Kanstancin Burykin adbyvaje pakarańnie za niezakonnyja dziejańni ŭ dačynieńni da ahniastrelnaj zbroi, bojeprypasaŭ i vybuchovych rečyvaŭ, za što jaho asudzili ŭ 2017 hodzie da troch hadoŭ pazbaŭleńnia voli.
Kamientary