Invalidam i šmatdzietnym siemjam dazvolać pryhnać lehkavik ź Jeŭropy ź vialikaj źnižkaj
Invalidy I albo II hrupy, a taksama šmatdzietnyja siemji zmohuć zavieźci ŭ Biełaruś lehkavyja aŭtamabili sa źnižkaj 50%. Adpaviedny ŭkaz padpisaŭ Alaksandr Łukašenka.
Pavodle dakumienta, praduhledžvajecca kampiensacyja z respublikanskaha biudžetu 50% mytnych pošlin, padatkaŭ, jakija padlahajuć vypłacie pry ŭvozie na terytoryju Biełarusi adnaho lehkavoha aŭtamabila na praciahu hoda, asobam, jakija majuć invalidnaść I albo II hrupy, a taksama šmatdzietnym siemjam.
Pavodle statystyki Ministerstva pracy i sacyjalnaj abarony, u pačatku hoda ŭ Biełarusi było 351 956 invalidaŭ pieršaj i druhoj hrupy.
Kolkaść šmatdzietnych siemjaŭ nie abnaŭlajecca štokvartalna. Adnak u kancy 2017 hoda ŭ Biełarusi było 95 500 šmatdzietnych siemjaŭ.
Takim čynam, ahułam za hod u Biełaruś moža być uvieziena da 445 tysiač «lhotnych» aŭtamabilaŭ.
Ich ułaśnikam spačatku daviadziecca zapłacić poŭnuju pošlinu, a paśla možna budzie atrymać pałovu hrošaj nazad.
Naprykład, pry ŭvozie ź Jeŭrasajuza dziesiacihadovaha lehkavika z ruchavikom 1,5 litra ekanomija składzie 2400 jeŭra. Pry ŭvozie novaha lehkavika z ruchavikom 2 litry ekanomija składzie 3500 jeŭra.
Ciapier čytajuć
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1616
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru16
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary