«Siońnia śpiecyjalisty nazyvajuć vielizarnyja sumy [škody dla Biełarusi ad zabrudžvańnia naftapravoda «Družba»] — bolš za $100 miljonaŭ, — zajaviŭ u subotu Alaksandr Łukašenka. — Heta vielizarnaja škoda, naniesiena naftapravodu, samomu abstalavańniu na naftapravodzie — pompam i inš., — i [škoda abstalavańniu] na NPZ». Dakładnyja ličby jon nazvać admoviŭsia, zajaviŭšy, što dačakajecca padlikaŭ śpiecyjalistaŭ. Akramia taho, pa słovach Łukašenki, Biełaruś niedaatrymała peŭny prybytak, u pryvatnaści valutnuju vyručku za tranzit. «My stracili sotni miljonaŭ dalaraŭ», — adznačyŭ jon.
«Škoda, imavierna, budzie składacca z troch kampanientaŭ: niedaatrymanyja srodki za tranzit, niedaatrymany prybytak ad pierapracoŭki rasijskaj nafty, srodki, vydatkavanyja na ačystku i, mahčyma, na zamienu abo ramont abstalavańnia», — ličyć staršy dyrektar adździeła karparacyj Fitch Dźmitryj Marynčanka.
Pa raźlikach «Viedomostiej», zychodziačy z najaŭnych dadzienych, škoda moža skłaści ad $ 271,3 młn da $ 435,3 młn.
Płata za tranzit nafty pa terytoryi Biełarusi ŭ napramku Polščy, Hiermanii i Ukrainy u 2018 h. była $ 0,84 za pierapampoŭku 1 t na 100 km, kazaŭ u krasaviku staršynia kancerna «Biełnaftachim» Andrej Rybakoŭ. Pry praciahłasci naftapravodaŭ dziaržkampanii «Homieltransnafta Družba» 1900 km płata za ŭvieś maršrut mahła być $ 15,96 za 1 t. Dadzienyja, kolki rasijskija kampanii prapampavali praz terytoryju Biełarusi, adroźnivajucca: vice-prezident «Transnafty» Siarhiej Andronaŭ kazaŭ u studzieni, što pierapampavanyja byli 48,9 młn ton, na sajcie «Homieltransnafta Družby», jakaja adkaŭvaje za pierapampoŭku, ukazana, što z Rasii praź Biełaruś prajšło 58,8 młn ton. Takim čynam, «Homieltransnafta Družba» mahła atrymać za tranzit u minułym hodzie ad $ 780,4 da $ 938, za 5 młn, a niedaatrymanaja vyručka pry zachavańni taryfu i prapampoŭki mahła skłaści za 14 dzion ad $ 29 młn da $ 35 młn.
Ciapier čytajuć
«Jak tolki čujuć pra Rasiju — dyk usio… U čym prablema?» U Minsku nie chočuć zdavać kvateru čałavieku z rasijskim pašpartam21
Kamientary