Cyrymonija ŭznaharodžańnia lepšych muzykaŭ krainy «Rok‑Karanacyja» adbudziecca 14 sakavika.
Cyrymonija ŭznaharodžańnia lepšych muzykaŭ krainy «Rok‑Karanacyja» adbudziecca 14 sakavika.Arhanizatary vyrašyli pieranieści miesca dziei z stalicy ŭ …Maładečna. Upieršyniu za 14‑hadovuju historyju cyrymonii
rok‑muzyki vystupiać u supravadžeńni symfaničnaha arkiestru.Zhodu na vystup užo dali ŭładalniki hałoŭnaj Rok‑Karony‑2007 Neuro Dubel, a taksama hieroi minułaha hodu — «Lapis Trubiackoj», etna‑tryjo «Troica», IQ48, «Dietidietiej» dy inšyja. Padrabiaznaści pra cyrymoniju na TH.
Zasnavalnik i pradusar «Rok‑Karanacyi» Jury Cybin kaža, što nadta zakarcieła vyjści za zvykłyja miežy raniejšych cyrymonijaŭ. U tym liku i hieahrafičnyja. Tamu «Karanacyja» časova pierajedzie ŭ Maładečna i projdzie ŭ miascovym Pałacy kultury 14 sakavika. Da ŭsiaho ŭdzieł u joj voźmie zasłužany kalektyŭ Respubliki Biełaruś symfaničny arkiestar muzyčnaj vučelni Maładečna. U arkiestrovym supravadžeńni i vystupiać viadučyja rok‑kamandy krainy.
Usiaho ŭ «Rok‑Karanacyi» voźmie ŭdzieł z tuzin kamandaŭ. Užo dali papiaredniuju zhodu hurty «Lapis Trubiackoj», etna‑tryjo «Troica», IQ48, «Dietidietiej», «Stoks», a taksama hurty z rehijonaŭ — «Avanhardškoła» (Mahiloŭ), «Sad'» (Bieraście), «Kniaź Vitaŭt» (Połacak). Miarkujecca, što vystupić i Lavon Volski. Adkryje cyrymoniju vystup uładalnikaŭ hałoŭnaj Rok‑Karony‑2007 Neuro Dubel.
Vystupoŭcy syhrajuć pa dźvie pieśni — adnu ź ich z arkiestram.
Užo vyznačany śpis naminacyjaŭ sioletniaj cyrymonii — «Albom hodu», «Pieśnia hodu», «Klip hodu», «Vykanaŭca hodu», «Tradycyi i sučasnaść», «Rok‑kniazioŭna» i «Rok‑Karona».
Sioleta «Rok‑Karanacyja» apošni raz projdzie pad hetaj nazvaj. Naleta ad słova «rok» u naźvie vyrašana admovicca.
Ciapier čytajuć
U centry Minska tajamniča źnikła dačka dyrektara bujnoha ahrakompleksu3
Kamientary