Viaskovy luboŭny trochkutnik skončyŭsia kryvioju: žorstkaje zabojstva na fiermie ŭ Šumilinskim rajonie
U noč na 18 červienia na małočnatavarnaj fiermie ŭ vioscy Lavonava byŭ zabity 52-hadovy vartaŭnik.
Lavonava — nievialikaja vioska ŭ Šumilinskim rajonie Viciebskaj vobłaści. Siońnia tam žyvie kala 60 čałaviek. Siarod ich byli i dvoje pryjacielaŭ: 52-hadovy Anatol A. i 61-hadovy Siarhiej S.
Anatol pracavaŭ na miascovaj małočna-tavarnaj fiermie. Jaho siabar byŭ biespracoŭnym: zvolniŭsia z apošniaha miesca pracy, ale ŭzrost vychadu na piensiju pavysili. I mužčyna pierabivaŭsia vypadkovymi zarobkami.
«Siamji nie było ani ŭ taho, ni ŭ druhoha. Ci vypivali? Nu, byvała. Kab ich pryciahvali da adkaznaści za niejkija pjanyja debošy, dyk nie. Ale i ćviaroźnikami nie nazavieš», — kažuć pra mužčyn u vioscy.
Anatol i Siarhiej dobra viedali adzin adnaho, kaliści navat pracavali razam.
Ale ŭ noč na 18 červienia starejšy mužčyna zavitaŭ na fiermu, dzie pracavaŭ małodšy. Skončyłasia ŭsio zabojstvam: Siarhiej S. źbiŭ mietaličnaj truboj svajho adnaviaskoŭca. Ad atrymanych traŭmaŭ Anatol pamior.
Siarhieja S. uziali pad vartu.
Pryčynaj zabojstva mahła być reŭnaść. Mužčyny pasvarylisia praz žančynu, raspavioŭ miascovamu vydańniu «Hieroj pracy» načalnik rajadździeła Śledčaha kamiteta Viktar Šyškovič.
Ciapier čytajuć
Jak u halečy śpivałasia radnia Łukašenki? Małaviadomyja fakty29
Kamientary