Zialenski: Miedviadčuk nie byŭ upaŭnavažany na pieramovy z bajevikami, jon uspaminaje pra pałonnych pad vybary
Padčas bryfinhu, jaki ŭ čaćvier prajšoŭ u Administracyi prezidenta Ukrainy, Uładzimir Zialenski koratka prakamientavaŭ infarmacyju ab damoŭlenaści Viktara Miedviedčuka, paviedamlajuć infarmahienctvy.
U Minsku zaŭtra «DNR» i «ŁNR» pieradaduć čatyroch ukrainskich pałonnych
Miarkujučy pa adkazie prezidenta Ukrainy, jon nie ŭpaŭnavažvaŭ Miedviedčuka ni na jakija pieramovy.
«Ja ni razu ŭ žyćci nie mieŭ znosiny sa spadarom Miedviedčukom. Nie razumieju, čamu, kali ŭ nas jość vialikaja, niezaležnaja, samastojnaja Ukraina, u nas pavinny być pasiaredniki», — skazaŭ Zialenski.
«Jon [Miedviadčuk - Red.] viedaje majo staŭleńnie da hetaha pytańnia. Čamu pytańnie ab viartańni pałonnych i ab spynieńni vajny padymajecca ź jaho boku tolki pad vybary — spytajecie ŭ jaho».
Raniej Uładzimir Zialenski nieadnarazova zajaŭlaŭ, što nie hatovy iści na pramyja pierahavory z pradstaŭnikami «ŁNR» i «DNR».
Viktar Miedviadčuk uznačalvaje partyju «Apazicyjnaja płatforma — Za žyćcio». Taksama jon — kum Uładzimira Pucina.
Pazačarhovyja parłamienckija vybary va Ukrainie pryznačanyja na 21 lipienia. Lidaram parłamienckaj honki ź vialikim adryvam zastajecca prezidenckaja partyja «Słuha naroda», za jakuju hatovyja addać hołas 47,5% apytanych. Pieraadolvajuć piacipracentny barjer partyi «Apazicyjnaja płatforma — Za žyćcio» (Juryj Bojka, Vadzim Rabinovič, Viktar Miedviadčuk), «Baćkaŭščyna» (Julija Cimašenka), «Jeŭrapiejskaja salidarnaść» (Piatro Parašenka), «Hołas» (Śviatasłaŭ Vakarčuk).
Ciapier čytajuć
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak11
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary