Dziejańniami supracoŭnikaŭ HRU, jakija, pavodle versii śledztva, zrabili zamach na svajho byłoha kalehu Siarhieja Skrypala, moh kiravać hienerał-major hetaj vyviednaj słužby, piša Radyjo Svaboda sa spasyłkaj na Bi-bi-si.
Pra heta raskazvaje brytanskaja teleradyjokampanija Bi-bi-si, jakaja zdoleła vyśvietlić padrabiaznaści ab trecim padazravanym u spravie ab zamachu na byłoha načalnika adździełu kadraŭ rasiejskaj vajskovaj vyviedki.
Bi-bi-si śćviardžaje, što hienerał-major HRU Dzianis Siarhiejeŭ źjaŭlaŭsia kiraŭnikom aperatyŭnaj hrupy, jakaja, vierahodna, zrabiła zamach na Skrypala. U Londanie jon padtrymlivaŭ suviaź z vyšejstajačymi aficerami ŭ Maskvie.
Detali vizytu Siarhiejeva ŭ Vialikabrytaniju žurnalisty vyvučyli, atrymaŭšy dostup da bilinhu telefonnych pieramovaŭ rasiejca.
Siarod inšaha, žurnalisty i daśledčaja hrupy Bellingcat vyjavili zvanok Siarhiejeva na telefonny numar, jaki, na dumku krynic VVS, moh naležać jaho suviaznomu u HRU. Zvyčajny telefonny numar naležaŭ aparatu, jaki nikoli nie źviazvaŭsia ni z adnoj z vyšak mabilnaj suviazi i nia mieŭ IMEI — unikalnaha numaru dla identyfikacyi mabilnych telefonaŭ. Akramia taho, nasupierak rasiejskamu zakanadaŭstvu, hety numar na praciahu niekalkich hadoŭ nia mieŭ ŭładalnika, adznačajecca ŭ raśśledavańni.
Asobu Siarhiejeva ŭ lutym ŭstanaviła hrupa Bellingcat. Joj udałosia vyśvietlić, što Siarhiejeŭ naradziŭsia ŭ horadzie Ušarał na terytoryi sučasnaha Kazachstanu, vučyŭsia ŭ Vajskova-dyplamatyčnaj akademii i zajaždžaŭ na terytoryju Vialikabrytanii pa pašparcie, numar jakoha tolki na niekalki ličbaŭ adroźnivaŭsia ad numaroŭ dakumentaŭ mierkavanych aficeraŭ HRU Alaksandra Miškina i Anatola Čapihi.
VVS paprasiła prakamentavać temu žonku Siarhiejeva, ale jana nie adkazała na pytańni.
Nahadajem, u sakaviku 2018 hoda były načalnik adździeła kadraŭ rasiejskaha HRU Siarhiej Skrypal, jaki supracoŭničaŭ z brytanskaj vyviedkaj, i jaho dačka Julija byli atručanyja ŭ anhlijskaj horadzie Sołsbery. Pavodle versii śledztva, na ich mahli zrabić zamach byłyja kalehi Skrypala. Rasieja dačynieńnie da atručeńnia Skrypaloŭ admaŭlaje.
Ciapier čytajuć
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 20263
Kamientary