Свет1414

Бі-бі-сі: Кіраўнік групы атрутнікаў у Солсберы быў генералам

Дзяніс Сяргееў.

Дзеяньнямі супрацоўнікаў ГРУ, якія, паводле вэрсіі сьледзтва, зрабілі замах на свайго былога калегу Сяргея Скрыпаля, мог кіраваць генэрал-маёр гэтай выведнай службы, піша Радыё Свабода са спасылкай на Бі-бі-сі.

Пра гэта расказвае брытанская тэлерадыёкампанія Бі-бі-сі, якая здолела высьветліць падрабязнасьці аб трэцім падазраваным у справе аб замаху на былога начальніка аддзелу кадраў расейскай вайсковай выведкі.

Бі-бі-сі сьцьвярджае, што генэрал-маёр ГРУ Дзяніс Сяргееў зьяўляўся кіраўніком апэратыўнай групы, якая, верагодна, зрабіла замах на Скрыпаля. У Лёндане ён падтрымліваў сувязь з вышэйстаячымі афіцэрамі ў Маскве.

Дэталі візыту Сяргеева ў Вялікабрытанію журналісты вывучылі, атрымаўшы доступ да білінгу тэлефонных перамоваў расейца.

Сярод іншага, журналісты і дасьледчая групы Bellingcat выявілі званок Сяргеева на тэлефонны нумар, які, на думку крыніц ВВС, мог належаць яго сувязному у ГРУ. Звычайны тэлефонны нумар належаў апарату, які ніколі не зьвязваўся ні з адной з вышак мабільнай сувязі і ня меў IMEI — унікальнага нумару для ідэнтыфікацыі мабільных тэлефонаў. Акрамя таго, насуперак расейскаму заканадаўству, гэты нумар на працягу некалькіх гадоў ня меў ўладальніка, адзначаецца ў расьсьледаваньні.

Асобу Сяргеева ў лютым ўстанавіла група Bellingcat. Ёй удалося высьветліць, што Сяргееў нарадзіўся ў горадзе Ушарал на тэрыторыі сучаснага Казахстану, вучыўся ў Вайскова-дыпляматычнай акадэміі і заяжджаў на тэрыторыю Вялікабрытаніі па пашпарце, нумар якога толькі на некалькі лічбаў адрозьніваўся ад нумароў дакумэнтаў меркаваных афіцэраў ГРУ Аляксандра Мішкіна і Анатоля Чапігі.

ВВС папрасіла пракамэнтаваць тэму жонку Сяргеева, але яна не адказала на пытаньні.

Нагадаем, у сакавіку 2018 года былы начальнік аддзела кадраў расейскага ГРУ Сяргей Скрыпаль, які супрацоўнічаў з брытанскай выведкай, і яго дачка Юлія былі атручаныя ў англійскай горадзе Солсбэры. Паводле вэрсіі сьледзтва, на іх маглі зрабіць замах былыя калегі Скрыпаля. Расея дачыненьне да атручэньня Скрыпалёў адмаўляе.

Каментары14

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Каспяровіч памёр тры дні таму, але цела знайшлі толькі цяпер2

Каспяровіч памёр тры дні таму, але цела знайшлі толькі цяпер

Усе навіны →
Усе навіны

У 55 гадоў памёр стваральнік брэнду Serge Сяргей Атрошчанка18

У мінскіх аптэках размялі расійскі аналаг «Аземпіка». Людзей не палохала нават цана5

Прэзідэнт Ізраіля: Мы не ставім за мэту зрынуць Хаменеі, але гэта можа быць пабочным эфектам з вялікімі гістарычнымі наступствамі

Лукашэнка: Я прачытаў тое, што пісалі ў тыктоках, «тыктокаліся» нашы выкладчыкі12

Час праезду беларуска-літоўскай мяжы аўтобусамі павялічыўся да 10-12 гадзін5

Лукашэнка: Беларусь заўсёды была, ёсць і будзе разам з Расіяй63

Памёр Сямён Букчын20

Вось колькі каштуе Ізраілю вайна з Іранам. Самае дарагое — абарона свайго неба2

У калоніі №15 Магілёва знялі з пасады адыёзнага начальніка, які здзекаваўся з палітвязняў3

больш чытаных навін
больш лайканых навін

Каспяровіч памёр тры дні таму, але цела знайшлі толькі цяпер2

Каспяровіч памёр тры дні таму, але цела знайшлі толькі цяпер

Галоўнае
Усе навіны →

Заўвага:

 

 

 

 

Закрыць Паведаміць