Zusim chutka na vialikija ekrany vyjdzie dziaviaty film Kviencina Tarancina «Adnojčy ŭ Halivudzie», jaki moža stać apošnim u karjery znakamitaha režysiora. Pra svaje dalejšyja płany Tarancina raspavioŭ u intervju aŭstralijskamu GQ.
«Dumaju ŭ tym, što tyčycca mastackich filmaŭ, ja siabie zžyŭ», — zajaviŭ 56-hadovy režysior. Praŭda, Tarancina nie źbirajecca sychodzić na «piensiju», u jaho na prykmiecie šmat cikavych zaniatkaŭ: «Ja ŭjajaŭlaju siabie pišučym knihi ci scenar da teatralnaj pastanoŭki, tamu ja ŭsio roŭna budu tvaryć. Ja addaŭ kino ŭsio, što ŭ mianie było».
Režysior taksama dadaŭ, što, kali «Adnojčy ŭ Halivudzie» ciopła prymuć hledačy, to jon, chutčej za ŭsio, spynicca na dzieviaci filmach. «Mahčyma, ja skonču prosta ciapier. Pakul ja na samym piku. Pahladzim», — skazaŭ Tarancina.
U prakat «Adnojčy ŭ Halivudzie» vyjdzie ŭ žniŭni. Tam zhulajuć Bred Pit, Leanarda Dy Kaprya, Dakota Faninh, Marho Robi, Emil Chirš, Majkł Medsien i inšyja.
Ciapier čytajuć
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT18
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1717
Kamientary