Зусім хутка на вялікія экраны выйдзе дзявяты фільм Квенціна Таранціна «Аднойчы ў Галівудзе», які можа стаць апошнім у кар'еры знакамітага рэжысёра. Пра свае далейшыя планы Таранціна распавёў у інтэрв'ю аўстралійскаму GQ.
«Думаю ў тым, што тычыцца мастацкіх фільмаў, я сябе зжыў», — заявіў 56-гадовы рэжысёр. Праўда, Таранціна не збіраецца сыходзіць на «пенсію», у яго на прыкмеце шмат цікавых заняткаў: «Я ўяяўляю сябе пішучым кнігі ці сцэнар да тэатральнай пастаноўкі, таму я ўсё роўна буду тварыць. Я аддаў кіно ўсё, што ў мяне было».
Рэжысёр таксама дадаў, што, калі «Аднойчы ў Галівудзе» цёпла прымуць гледачы, то ён, хутчэй за ўсё, спыніцца на дзевяці фільмах. «Магчыма, я скончу проста цяпер. Пакуль я на самым піку. Паглядзім», — сказаў Таранціна.
У пракат «Аднойчы ў Галівудзе» выйдзе ў жніўні. Там згуляюць Брэд Піт, Леанарда Ды Капрыа, Дакота Фанінг, Марго Робі, Эміль Хірш, Майкл Мэдсен і іншыя.
Цяпер чытаюць
«У такую ж галечу, ды яшчэ і халодную, пакістанцы не паедуць». Беларус пяць тыдняў правёў у Пакістане — вось што яго ўразіла27
Каментары