Siońnia a 9-j ranicy ŭ siabie doma pamior na 72-m hodzie žyćcia Uładzimir Zamiatalin.
Pra heta «Našaj Nivie» paviedamili členy jaho siamji. Pryčyna śmierci pakul nieviadomaja.
Zamiatalina nazyvali kardynałam biełaruskaj ideałohii, aŭtaram dvuch biełaruskich refierendumaŭ, chrosnym baćkam «Dažynak» i «Słavianskaha bazaru» i pravaj rukoj Alaksandra Łukašenki.
Uładzimir Zamiatalin rodam z rasijskaj Tuły, skončyŭ Danieckaje vyšejšaje vajenna-palityčnaje vučylišča, paśla słužyŭ u vojsku palitrukom u Hiermanii, Dalokim Uschodzie. U vyniku los zanios Zamiatalina ŭ Biełaruś, dzie jon uznačaliŭ pres-słužbu Minabarony. Mieŭ zvańnie pałkoŭnika.
Zatym Zamiatalin byŭ pres-sakratarom Savieta Ministraŭ, vice-premjeram, a taksama namieśnikam kiraŭnika Administracyi prezidenta, adkaznym za ideałohiju. Pry časie jaho kiravańnia cisk na biełaruskuju kulturu byŭ najmacniejšym.
Pry kancy karjery Zamiatalin uznačalvaŭ «Biełaruśfilm», fihuravaŭ jak pradziusar niekalkich biełaruska-rasijskich filmaŭ na vajennuju tematyku: «Bresckaja krepaść», «U červieni 41-ha», «Snajpier: zbroja adpłaty».
Ciapier čytajuć
«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu39
Kamientary