U dziciačym azdaraŭlenčym łahiery «Zara» (Čavuski rajon) unačy na 8 lipienia pabilisia pjanyja važatyja. Supracoŭniki łahiera vyrašyli adznačyć zakančeńnie źmieny, ale nie zmahli vyrašyć, kamu vypivać, a kamu hladzieć dziaciej, piša Jeŭraradyjo.
«Zakryćcio źmieny skončyłasia pjanym mardabojem. Dzieci cełyja. Tvary adzin adnamu načyścili piedahohi. Jany nie padzialili, kamu vypivać, a kamu hladzieć dziaciej. Ranicaj pačalisia razborki», — apisvaje padziei supołka «Čausy Online» «UKantakcie».
«Prymiryć piedahohaŭ sprabavaŭ narad z Čavuskaha RAUS. Pry tym što ŭ łahiery jość svoj dziažurny milicyjanier, ale samastojna jon nie ryzyknuŭ», — dadaje detalaŭ telehram-kanał «Nexta Lite».
U łahiery «Zara» paćvierdzili, što bojka pamiž važatymi sapraŭdy była. Ale «pjany mardaboj» admaŭlajuć.
«Byŭ adboj, dzieci spali, dziažurnyja siadzieli na pavierchach, — raspaviadaje dyrektar łahiera «Zara» Alaksandr Žukoŭski. — Adzin vychavalnik namazaŭ zubnoj pastaj inšaha, kali toj spaŭ. A toj, moža sprasońnia, nie zrazumieŭ… nakinuŭsia i ŭdaryŭ kułakom u tvar. Zastaŭsia siniak. Vychavalniki napisali tłumačalnyja listy, zajavy ŭ milicyju nichto nie padavaŭ ź ich. Toj, jaki ŭdaraŭ, raspavioŭ, što da hetaha vypiŭ krychu piva».
Piedahohaŭ na pracu nabirajuć ź liku studentaŭ Mahiloŭskaha dziaržaŭnaha ŭniviersiteta imia A. A. Kulašova. Važatyja, jakija ŭčynili bojku, bolš na pracu ŭ łahier nie trapiać.
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram13
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2020
Kamientary