«Vyjdzi adsiul, razbojnik!» Zialenski vyhnaŭ z sustrečy miascovaha čynoŭnika VIDEA
Prezident Ukrainy Uładzimir Zialenski padčas sustrečy z aktyvam Kijeŭskaj vobłaści prymusiŭ sakratara Baryspalskaj haradskoj rady Jarasłava Hadunka pakinuć mierapryjemstva, paviedamlaje UNIAN.
Incydent adbyŭsia ŭ pamiaškańni Baryspalskaj rady padčas abmierkavańnia prablem miascovaj balnicy. Padčas mierapryjemstva Hadunok pastajanna kryčaŭ niešta ź miesca, na heta i adreahavaŭ Zialenski.
Pieršapačatkova prezident Ukrainy daŭ mahčymaść Hadunku vykazacca i padzialicca svaim bačańniem prablem z funkcyjanavańniem balnicy.
Paśla hetaha Zialenski skazaŭ: «Kali šmat niechta kryčać, ja zaŭsiody prašu pašukać u internecie niešta pra čałavieka, jaki šmat kryčyć. Mnie amal 42 hady, i ja ŭ svaim žyćci ŭbačyŭ šmat ludziej». Ja tut čytaju ŭ haziecie. Heta praŭda? Vy siabra «Baćkaŭščyny», sakratar Baryspalskaj haradskoj rady, jaki raniej byŭ asudžany pa č. 3 art. 142 KPK Ukrainy (rabavańnie ŭ spałučeńni z naniasieńniem ciažkich cialesnych paškodžańniaŭ? «Jarasłaŭ Mikałajevič, heta vy?». Toj adkazaŭ: «Tak»
Paśla hetaha Zialenski zahadaŭ Hadunku vyjści z pamiaškańnia.
«Ustavaj, razbojnik, vyjdzi adsiul! Ty drenna čuješ?! Kali łaska, budziecie u rajonnaj administracyi siadzieć i kryčać.
Hadunok zajaviŭ, što nie pracuje ŭ rajonnaj administracyi. Zialenski adkazaŭ: «Mnie ŭsio roŭna, dzie ty pracuješ. Pa-anhlijsku kažu: «Exit». «Idzi, idzi. Idzi adsiul užo, Hospadzi, ty čuješ ci nie?»
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii13
Kamientary