20-hadovaja žycharka Dobruša pasvaryłasia z chłopcam, vyskačyła z 8-ha paviercha i zastałasia žyvaja
Zdareńnie adbyłosia ŭ šmatkvaternym dzieviacipaviarchovym domie pa vulicy Savieckaj u minuły paniadziełak u Dobrušy.
Maładaja žančyna vyskačyła z bałkona vośmaha paviercha. Apieratyŭnyja słužby zreahavali chutka. Užo praź niekalki chvilin kala žančyny, jakaja lažała na travie i była biez prytomnaści, mitusilisia miedyki, milicyjaniery i supracoŭniki Śledčaha kamiteta.
U paciarpiełaj dyjahnastavany paškodžańni čerapa, ściahna, kostak taza, razryŭ piečani i inšyja surjoznyja traŭmy ŭnutranych orhanaŭ.
U momant napisańnia hetych radkoŭ jana praciahvała znachodzicca ŭ štučnaj komie, žančynu ŭžo dastavili ŭ abłasnuju balnicu.
Jak paviedamili žurnalistam, 20-hadovaja D., jakaja sprabavała zabić siabie, i jaje 29-hadovy sužyciel K. znajomyja bolš za piać hadoŭ. Raniej dziaŭčyna žyła ŭ domie z baćkami ŭ rajcentry na vulicy Rymy Šaršniovaj. Pavodle mužčyny, z nadychodam jaje paŭnalećcia — kala dvuch hadoŭ tamu — pryniali rašeńnie pražyvać sumiesna, u kvatery K. Mužčyna pieryjadyčna vyjazdžaŭ na zarobki ŭ Rasiju. Maładaja žančyna aficyjna taksama nidzie nie pracavała, karystajučysia častkaj zaroblenych K. hrošaj. U tym liku — na nabyćcio ałkaholu.
Akazałasia, što ŭ kvatery pa vulicy Savieckaj, 7 adbyłosia zvyčajnaje vyśviatleńnie siamiejnych adnosin. Pavodle K., jon pryjšoŭ dadomu pozna: zajmaŭsia ŭ hety dzień ramontam baćkoŭskaha doma. Dziaŭčyna pačała jaho raŭnavać.
Praź niekatory čas maładaja žančyna rezka pakinuła miesca sprečki i syšła ŭ inšy pakoj. Mužčyna sieŭ viačerać na kuchni. U jaki momant D. pryniała rašeńnie źvieści rachunki z žyćciom, jon nazvać nie moža.
Kamientary