Alaksandr Łukašenka padpisaŭ zakon «Ab źmianieńni Kryminalnaha kodeksa Respubliki Biełaruś», paviedamlaje pres-słužba kiraŭnika krainy.
U metach udaskanaleńnia kryminalnaha zakanadaŭstva z ulikam praktyki jaho prymianieńnia, zabieśpiačeńnia strohaj adpaviednaści stupieni ciažaru asobnych dziejańniaŭ i prymianiajemych za ich mier adkaznaści zakonam praduhledžvajecca skaračeńnie nižniaj miažy pakarańnia za niezakonny abarot narkotykaŭ (artykuł 328 Kryminalnaha kodeksa). Pry hetym termin pazbaŭleńnia voli pa č. 2 hetaha artykuła ŭstanaŭlivajecca ad 3 da 8 hadoŭ, a pa č. 3 - ad 6 da 15 hadoŭ (da pryniaćcia zakona - adpaviedna ad 5 da 8 i ad 8 da 15 hadoŭ).
Karekciroŭka Kryminalnaha kodeksa daść mahčymaść sudam u kožnym kankretnym vypadku bolš vybaračna padychodzić da naznačeńnia pakarańniaŭ za złačynstvy, źviazanyja z abarotam narkotykaŭ, z ulikam usich abstavin ich učynieńnia.
Taksama zakonam u ramkach procidziejańnia asobnym vidam pahroz hramadskaj biaśpiecy, aktualnym na sučasnym etapie, praduhledžana ŭstanaŭleńnie kryminalnaj adkaznaści za naŭmysnyja dziejańni pa reabilitacyi nacyzmu naraŭnie z raspalvańniem rasavaj abo inšaj sacyjalnaj varožaści.
Uvodzicca kryminalnaja adkaznaść za schileńnie spartsmiena da vykarystańnia dopinhu, a taksama za vykarystańnie ŭ adnosinach da spartsmiena bieź jaho viedama zabaronienych rečyvaŭ abo mietadaŭ
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal2
Kamientary