Ratavalniki za sutki evakujavali bolš za tysiaču ludziej u Irkuckaj vobłaści RF u suviazi z pavyšeńniem uzroŭniu vady ŭ rekach i novaj chvalaj padtapleńnia nasielenych punktaŭ. Pra heta paviedamili ŭ pres-słužbie rehijanalnaha ŭpraŭleńnia MNS RF. «Evakujavanyja 1076 čałaviek, ź ich 615 dziaciej. U punktach časovaha raźmiaščeńnia znachodzicca 41 čałaviek, ź ich vosiem dziaciej», - havorycca ŭ paviedamleńni.
Z-za mocnych daždžoŭ u zonu padtapleńnia trapili šeść rajonaŭ vobłaści: Nižniaudzinski, Čaromchaŭski, Tułunski, Šelechaŭski, Śludzianski, Ziminski.
Daždžy praciahvajucca. Uzrovień vady ŭ race Aka kala vioski Uchtuj, jak čakajecca, vyraście da 450-490 sm pry krytyčnaj 470 sm, na race Ija kala horada Tułun — da 670-770 sm pry krytyčnaj 700 sm. Na rekach paŭdniovaha Prybajkalla vada padymiecca da adznak, blizkich da krytyčnych, taksama jość pahroza sychodu sielaŭ.
Kamientary