Biełaruski futbalist pradaje dom na bierazie Minskaha mora za $800 tysiač FOTA
Vioska Łaparovičy ŭžo daŭno asacyjujecca ź imionami viadomych spartsmienaŭ. Tut, na pieršaj bierahavoj linii Minskaha mora, pabudavałasia tytułavanaja bijatłanistka Darja Domračava, pobač ź joj — trenier zbornaj Biełarusi pa bijatłonie Andryjan Cybulski. Na susiedniaj vulicy raźmieščany damy znakamitych futbalistaŭ: Alaksandra Hleba, Vitala Radzivonava, Alaksandra Jureviča i Viktara Hančarenki.
Jak stała viadoma REALTY.TUT.BY, Alaksandr Jurevič, były hulec nacyjanalnaj zbornaj, a ciapier trenier salihorskaha «Šachciora», vystaviŭ svoj dom na prodaž. Voś jak jon vyhladaje.
Dom płoščaj 238 kvadratnych mietraŭ byŭ pabudavany ŭ 2014 hodzie. Bolšuju častku pieršaha paviercha zajmaje haścioŭnia ŭ 65 kvadratnych mietraŭ, jakuju haspadary padzialili na niekalki zon. Na hetym ža ŭzroŭni znachodziacca vialikaja harderobnaja i sanvuzieł.
Na druhim paviersie raźmiaścilisia try žyłyja pakoi, dva ź jakich majuć vychady na terasy. Abstanoŭka ŭ domie padabrana z hustam. Vidać, što ŭ siamji ceniać ŭtulnaść. Teras u domie dźvie, što nie dziŭna: z adnoj ź ich možna lubavacca Minskim moram.
Płošča ŭčastka — 20 sotak. Akramia doma, tut jość i łaźnievy kompleks. Abjekt pradajecca za 825 tysiač dalaraŭ u ekvivalencie.
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju18
Kamientary