Prezident Turkmienistana Hurbanhuły Bierdymuchamiedaŭ upieršyniu za bolš čym dziesiać dzion źjaviŭsia na dziaržaŭnym telebačańni, paviedamlaje radyjo Azałtyk sa spasyłkaj na prahramu «Vatan» turkmienskaha telebačańnia.
U viačernim efiry byŭ pakazany repartaž, jak turkmienski lider jeździć na viełasipiedzie i na kani i stralaje z aŭtamatyčnaj zbroi.
Taksama, pa paviedamleńni dziaržaŭnaha TB, Bierdymuchamiedaŭ za rulom spartyŭnaha aŭtamabila prajechaŭsia pa pustyni Karakumy, dajechaŭšy dy pałajučaha hazavaha kratera Darvaza, bolš viadomaha, jak «Brama piekła».
Na fonie «źniknieńnia» prezidenta Turkmienistana, videarepartaž dziaržaŭnaha telebačańnia pryciahnuŭ da siabie ŭvahu
Heta jaho pieršaje źjaŭleńnie na TB bolš čym za dziesiać dzion. Apošni raz jaho pakazvali 24 lipienia paśla taho, jak pašyrylisia čutki pra jaho śmierć. Ale kadry pakazanyja 24 lipienia vyklikali sumnievy śpiecyjalistaŭ, jakija paličyli, što kadry byli identyčnyja pakazanym u prahramie «Vatan» 10 maja hetaha hoda.
Raniej aficyjnyja ŚMI paviedamlali, što kiraŭnik Turkmienistana na ceły miesiac syšoŭ u pracoŭny adpačynak da 15 žniŭnia.
Doŭhaja adsutnaść prezidenta ŭ miedyjaprastory sparadzili roznyja čutki.
Bierdymuchamiedava nichto nie bačyŭ užo amal miesiac
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju18
Kamientary