Kiraŭnik dziaržavy Alaksandr Łukašenka 13 žniŭnia pryniaŭ z dakładam kiraŭnika spraŭ prezidenta Viktara Šejmana, piša BiełTA.
Kiraŭnik spraŭ paviedamiŭ u cełym ab vykanańni daručeńniaŭ prezidenta, u tym liku ab budaŭnictvie pradpryjemstva pa vypusku płastykavych łyžaŭ. Rabota pa jaho stvareńni idzie ŭ płanavym paradku, zapusk namiečany na kastryčnik.
Kiraŭnik dziaržavy taksama prainfarmavany ab chodzie vykanańnia daručeńniaŭ, jakija byli dadzieny raniej pa budaŭničaj tematycy. U pryvatnaści, zavieršany šrah abjektaŭ, i jany ŭžo ŭviedzieny ŭ ekspłuatacyju.
Akramia taho, na sustrečy było abmierkavana pytańnie pa finansavaj struktury Kiraŭnictva spravami: staić zadača stvaryć adpaviednyja finansavyja instrumienty, jakija daduć mahčymaść bolš efiektyŭna pracavać sistemie Kiraŭnictva spravami.
Razmova viałasia taksama ab stvareńni sučasnaha centra miniinvaziŭnaj endaskapičnaj chirurhii na bazie Respublikanskaha kliničnaha miedycynskaha centra. Jak płanujecca, heta ŭstanova prapanuje pacyjentam novyja miedycynskija technałohii suśvietnaha ŭzroŭniu. Heta datyčycca lačeńnia zachvorvańniaŭ pazvanočnika, urałahičnaha charaktaru i składanych vypadkaŭ łor-zachvorvańniaŭ.
Kiraŭnik spraŭ raskazaŭ ab pravodzimaj pa daručeńni prezidenta rabocie na Afrykanskim kantyniencie. Naprykład, u stadyi zaviaršeńnia sumiesnaje pradpryjemstva ŭ halinie sielskaj haspadarki, jakoje budzie zajmacca vytvorčaściu i pierapracoŭkaj małaka, jałavičyny i ptuški. Akramia taho, vyrašajecca pytańnie pa budaŭnictvie elektrastancyi na soniečnych panelach. Stvarajecca taksama aŭtatranspartnaje pradpryjemstva pa pieravozcy hruzaŭ u rehijonie poŭdnia Afryki, a taksama pradpryjemstva, jakoje budzie zajmacca ŭźviadzieńniem daroh i linij elektrapieradačy.
Ciapier čytajuć
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak12
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary