Pieršy namieśnik staršyni prezidyuma Nacyjanalnaj Akademii navuk Biełarusi, fizik Siarhiej Čyžyk padpisaŭ adkaz NAN minčuku Dźmitryju Płaščynskamu, jaki prasiŭ nadać adnoj z vulicy Minska imia Kaściuški. Vyśvietliłasia, što adkaz pisaŭ nie Čyžyk, a historyk Alaksandr Kavalenia.
Čytajcie. Člen-karespandent Kavalenia: Kali b Suvoraŭ nie raźbiŭ Kaściušku, nie było b nijakaj Biełarusi
«Naša Niva» zapisałasia na pryjom da Siarhieja Čyžyka, kab jon patłumačyŭ svaju pazicyju. Čyžyk razmaŭlaŭ vyklučna na biełaruskaj movie. Jon pryznaŭ, što adkaz atrymaŭsia nie zusim karektnym.
«Kaniečnie, było nie zusim pravilna napisana ŭ našym adkazie, što Kaściuška nie nacyjanalny hieroj Biełarusi. Tadevuš Kaściuška — heta znakamity palityčny dziejač Polščy, ZŠA i Biełarusi. My nie možam vypadać z hetaha šerahu.
Jon žyŭ i pracavaŭ na terytoryi našaj krainy. Kali budzie vyrašacca pytańnie adnosna vulicy, to historyki jašče krychu paspračajucca i, dumaju, pryjduć da narmalnaj vysnovy. Ja nie vyklučaju taho, što vulica imia Kaściuški moža źjavicca kaliści ŭ Minsku ci ŭ inšych biełaruskich haradach», — adkazaŭ Siarhiej Čyžyk.
Taksama akademik raskazaŭ, što jahony pradzied udzielničaŭ u paŭstańni pad kiraŭnictvam Kastusia Kalinoŭskaha. «I ja hanarusia hetym faktam», — adznačyŭ Čyžyk.
***
Siarhiej Čyžyk
Naradziŭsia ŭ 1959 hodzie ŭ vioscy Asmołava Niaśvižskaha rajona. Navukoviec u halinie fiziki i miechaniki pavierchniaŭ na mikra- i nanaŭzroŭni, nanadyjahnostyki. Akademik Nacyjanalnaj Akademii navuk Biełarusi (2014).
Z 2014 — pieršy namieśnik staršyni prezidyuma Nacyjanalnaj Akademii navuk.
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj42
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1515
Kamientary