Prezident ZŠA Donald Tramp vynošvaje ideju vykupić u Danii Hrenłandyju i ŭžo abmiarkoŭvaŭ takuju mahčymaść sa svaimi daradcami i advakatami. Ab hetym piša hazieta The Wall Street Journal sa spasyłkaj na krynicy, znajomyja z abmierkavańniami.
U pryvatnaści, jak udakładniajuć surazmoŭcy, amierykanski lidar pytaŭsia ŭ svaich daradcaŭ padčas sustreč, abiedaŭ i prosta ŭ mimalotnych hutarkach, ci mohuć ZŠA kupić Hrenłandyju, i ź cikavaściu słuchaŭ, jak tyja vykazvalisia pra jaje bahatyja resursy i hieapalityčnaje značeńnie. Tramp taksama prasiŭ advakata ŭ Biełym domie vyvučyć hetuju ideju, dadajuć surazmoŭcy.
Častka daradcaŭ prezidenta padtrymali prezidenta ŭ jaho idei nabyć vostraŭ, inšyja paličyli jaje mimalotnym zachapleńniem, jakoje nikoli nie budzie realizavana, udakładniajuć krynicy vydańnia.
Pa dadzienych haziety, u pačatku vieraśnia Tramp ździejśnić svoj pieršy vizit u Daniju, choć pajezdka nie źviazana ź idejaj mahčymaj kupli Hrenłandyi, zapeŭnivajuć surazmoŭcy WSJ.
Bieły dom i Dziarždepartament ZŠA nie adkazali na zapyt ab kamientarach. Pradstaŭniki karaleŭskaha doma Danii i pasolstva krainy ŭ Vašynhtonie taksama apieratyŭna nie adkazali na zapyt vydańnia. Hetak ža pastupili i pradstaŭniki premjera Hrenłandyi i pradstaŭnictva vyspy ŭ Vašynhtonie.
Hrenłandyja — najbujniejšy ŭ śviecie vostraŭ, raźmieščany pamiž Paŭnočnym Ledavitym i Atłantyčnym akijanami. Farmalna jon uvachodzić u skład Karaleŭstva Danija, ale vałodaje šyrokaj aŭtanomijaj. U pryvatnaści, urad Hrenłandyi vyrašaje ŭsie ŭnutranyja pytańni, kantraluje ŭsie karysnyja vykapni; za Danijaj zastajecca kantrol nad abaronaj, zamiežnaj i hrašovaj palitykaj. Nasielnictva Hrenłandyi — kala 56 tys. čałaviek.
-
Piaskoŭ panarakaŭ na «deficyt siabroŭskich pačućciaŭ», što ź niekatorymi krainami zachoŭvajecca stahodździami
-
ES i Indyja damovilisia ab svabodnym handli paśla 20 hadoŭ pieramoŭ
-
Top-čynoŭnik RPC nazvaŭ Zialenskaha, Parašenku i inšych prezidentaŭ Ukrainy «satanistami» i zaklikaŭ pieramahčy ich malitvaj i pastom
Ciapier čytajuć
U Kijevie za špijanaž aryštavali biełaruskuju žurnalistku Inu Kardaš. Kažuć, z 2015 hoda jana pracavała na KDB10
Kamientary