U 49-hadovaj žycharki Minskaha rajona vymanili 50 tysiač dalaraŭ praź internet, paviedamlaje milicyja.
Pa słovach paciarpiełaj, kali jana šukała «padpracoŭku» ŭ internecie, joj u internecie pryjšło apaviaščeńnie ab mahčymaści chutkaha zarobku. Jana nieadkładna źviazałasia z rekłamadaŭcam i ŭ chodzie hutarki ź im daviedałasia, što joj treba pieraličyć na peŭny elektronny rachunak 250 dalaraŭ. U hety ž dzień paciarpiełaja pieraličyła hrošy na ŭkazany elektronny rachunak. Paśla hetaha machlar stvaryŭ joj u internecie rachunak, z dapamohaj jakoha paciarpiełaja pastajanna padtrymlivała suviaź z tak zvanym «brokieram».
Praź niekatory čas u akaŭncie paciarpiełaj źjaviłasia infarmacyja, što jana atrymała prybytak, jaki ŭ niekalki razoŭ pieravyšaje sumu, jakuju jana zaličyła raniej. Žančyna źviazałasia z «brokieram», jaki kuryravaŭ jaje dziejnaść, kab vyvieści častku dachodu na realny bankaŭski rachunak. Adnak paciarpiełaj paviedamili, što nieabchodna zapłacić jašče 300 dalaraŭ za pasłuhi brokiera i 500 dalaraŭ za pasłuhi banka. Paśla taho jak zajaŭnica znoŭ pieraličyła hrošy, «brokier» joj paviedamiŭ pra toje, što zaroblenuju sumu ŭ najbližejšy čas pieravieści niemahčyma, bo ŭźnikła «nievialikaja prablema» z bankam. U suviazi z hetym dla dalejšaha supracoŭnictva «brokier» joj prapanavaŭ paŭtaryć apieracyju. Ale svaich hrašovych srodkaŭ paciarpiełaja tak i nie dačakałasia.
Nieŭzabavie žycharcy Minskaha rajona patelefanavaŭ inšy «brokier» z toj ža «kantory» i prapanavaŭ bujnuju ździełku, u jakoj udzielničajuć bolš za 150 čałaviek, i kožny ź ich ŭkładvaje pa 10 tysiač dalaraŭ. Zajaŭnica admoviłasia ŭdzielničać u pahadnieńni. Tady ź joj źviazalisia ź nibyta niamieckaha banka i skazali, što na jaje imia pryjšło 150 tysiač dalaraŭ. Adnak dla atrymańnia hetaj sumy nieabchodna pieradać dakumienty. «Brokier» paviedamiŭ, što takija dakumienty kaštujuć kala 13 tysiač dalaraŭ, adnak joj, jak dobramu klijentu, zrobiać za 7 tysiač dalaraŭ.
U vyniku pad roznymi vydumanymi pryčynami — apłata padatkaŭ, apłata kamisii i zboraŭ bankaŭskich arhanizacyj, apłata za dakumienty, pamyłki brokieraŭ i hetak dalej — ašukancy vyciahnuli ŭ paciarpiełaj bolš za 50 tysiač dalaraŭ.
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio11
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3737
Kamientary