Andrej Šorac ad 19 žniŭnia źjaŭlajecca namieśnikam hienieralnaha dyrektara pradpryjemstva «Hałoŭdziaržbudekśpiertyza». Pra heta «NN» paviedamili ŭ pryjomnaj pradpryjemstva.
Pieršym pra pracaŭładkavańnie top-čynoŭnika napisaŭ u svaim fejsbuku lidar Ruchu «Za Svabodu» Juraś Hubarevič.
«Hałoŭdziaržbudekśpiertyza» daje zaklučeńni ab abhruntavanaści inviestycyj u budaŭnictva, daje ekśpiertyzu budaŭničych prajektaŭ. Heta dziaržaŭnaja ŭstanova.
Admietna, što pradpryjemstva ŭznačalvaje Viktar Piatruša, jaki źjaŭlajecca baćkam kiraŭnika administracyi Centralnaha rajona Minska.
Andreju Šorcu 46 hadoŭ, jon rodam ź Viciebska. Pracavaŭ u žyllova-kamunalnaj haspadarcy svajho horada. Ad 2011 — ministr ŽK. U pieryjad ad 2014 da 2018 źjaŭlaŭsia staršynioj Minharvykankama.
Kamientary