U červieni 61-hadovy mužčyna ŭ stanie ałkaholnaha apjanieńnia ŭ pakoi budynka fiermy nanios 52-hadovamu žyviołavodu niekalki ŭdaraŭ mietaličnaj truboj, rukami i nahami, paśla čaho syšoŭ, paviedamlaje SK.
Niamieckaja aŭčarka Ilda ŭžo kala 4 hadoŭ dapamahaje pravaachoŭnikam raskryvać złačynstvy. Mienavita joj udałosia vyjści na śled abvinavačanaha.
Paciarpieły pamior, jaho cieła było znojdziena supracoŭnikam fiermy zranku 18 červienia.
Na miescy zdareńnia ŭ chodzie ahladu pracavaŭ kinołah sa słužbovym sabakam, jaki ŭziaŭ śled ad cieła i pajšoŭ pa darozie ŭ kirunku vioski ad fiermy, paśla čaho pryvioŭ supracoŭnikaŭ da pryvatnaha doma.
Mužčyna svaju vinu pryznaŭ, raskajaŭsia. Zhodna z materyjałami spravy, matyvam ździajśnieńnia złačynstva stała pomsta na hlebie raniejšaha kanfliktu.
Kamientary