Vynieśli prysud žycharu Navapołacka, jaki pryznaŭsia ŭ zabojstvie maci
Viciebski abłasny sud 30 žniŭnia vynies prysud 32-hadovamu žycharu Navapołacka, abvinavačanamu ŭ zabojstvie maci. Mužčyna praviadzie 15 hadoŭ u kałonii, paviedamlaje TUT.BY sa spasyłkaj na sajt Viarchoŭnaha suda.
U studzieni hetaha hoda ŭ milicyju źviarnuŭsia 32-hadovy žychar Navapołacka i paviedamiŭ pra toje, što za try dni da hetaha, 17 studzienia, jaho maci pajšła z domu i nie viarnułasia.
Nieŭzabavie stała jasna, što da źniknieńnia žančyny moža być datyčny jaje syn. 23 studzienia suprać jaho zaviali kryminalnuju spravu. Na nastupny dzień jon pakazaŭ milicyi miesca ŭ lesie va Ušackim rajonie, dzie schavaŭ cieła maci.
Pa słovach mužčyny, jon pasvaryŭsia z maci (jana žyła z synam, niaviestkaj i dvuma ŭnukami ŭ adnoj kvatery) i nanios joj nie mienš za 8 udaraŭ małatkom pa hałavie. Jak zaklučyli ekśpierty, žančyna atrymała adkrytuju pranikalnuju čerapna-mazhavuju traŭmu, ad jakoj pamierła na miescy.
Na sudzie abvinavačany nie admaŭlaŭ svajo dačynieńnie da śmierci maci, ale nastojvaŭ na tym, što nie chacieŭ jaje zabivać.
Sud pryznaŭ źmiakčalnymi abstavinami raskajańnie mužčyny, jaŭku z pavinnaj i najaŭnaść u jaho na ŭtrymańni dvuch małaletnich dziaciej.
Abvinavačany pryznany vinavatym u žorstkim zabojstvie i atrymaŭ 15 hadoŭ kałonii ŭzmocnienaha režymu. Jon pavinien vypłacić svajmu dziadźku, bratu maci, 40 tysiač rubloŭ materyjalnaj kampiensacyi maralnaj škody.
Prysud moža być abskardžany.
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii11
Kamientary