Zaś: Jość peŭnyja ramki, jakich treba trymacca. Pierš za ŭsio ludziam u pahonach
Paśla dakładu Alaksandru Łukašenku dziaržsakratar Rady biaśpieki Stanisłaŭ Zaś raskazaŭ žurnalistam, što prainfarmavaŭ kiraŭnika krainy pra peŭnyja karekciroŭki ŭ rabocie pravaachoŭnych orhanaŭ, paviedamlaje Źviazda.
«Pa-pieršaje, tyja ŭstanoŭki, jakija byli dadzienyja na naradzie pad kiraŭnictvam prezidenta, daviedzienyja pa ŭsioj viertykali pa kožnym viedamstvie da vykanaŭcaŭ, — paviedamiŭ jon. — Pa-druhoje, prajšło pradmietnaje abmierkavańnie padniatych pytańniaŭ u kožnym viedamstvie. Zadačy, pastaŭlenyja kiraŭnikom dziaržavy, byli detalizavanyja».
Dziaržsakratar dadaŭ, što siońnia Alaksandr Łukašenka patrabavaŭ ažyćciavić žorstki kantrol za pryniaćciem mier pa niehatyŭnych faktach, jakija byli ahučanyja na naradzie.
«Kožny rabotnik viedamstva pavinien pačuć dakładny sihnał: pracavać, ihnarujučy pryniatyja praviły, zakony, nielha. Pracavać pa paniaćciach, jak tabie zručna i chočacca, niedapuščalna, — patłumačyŭ Stanisłaŭ Zaś. — Jość peŭnyja ramki, usie pavinny ich trymacca. Pierš za ŭsio, ludzi, jakija nosiać pahony».
Alaksandr Łukašenka źviarnuŭ uvahu, kab vyniki narady ab rabocie pravaachoŭnych orhanaŭ nie syšli na ništo, raskazaŭ dziaržsakratar Rady biaśpieki. «Takoha nie budzie. Praces hety nie adnamomantny. Ale karekciroŭki ŭžo adbyvajucca, i niehatyŭnym faktam dadzienaja adpaviednaja pravavaja albo słužbovaja acenka. I rabota budzie praciahnuta», — zapeŭniŭ Stanisłaŭ Zaś.
Kamientary