Prezident Ukrainy Uładzimir Zialenski niehatyŭna adreahavaŭ na fotazdymak kiraŭnika svajho Ofisa Andreja Bohdana, źniaty na Błakitnym Bierazie, piša RBK
10 vieraśnia Bohdan apublikavaŭ u fejsbuku fatahrafiju, na jakoj paziruje z nadzietymi na adnu ruku kajdankami na francuzskim kurorcie Sien-Trape.
«A jašče ŭ Sen-Trape jeździŭ [ministr unutranych spraŭ Ukrainy [Arsien] Avakaŭ, vyvučaŭ apieratyŭnaje stanovišča. I [kiraŭnik Słužby biaśpieki Ukrainy Ivan] Bakanaŭ taksama byŭ», — kaža podpis da zdymku.
Krynicy partała LB.ua paviedamili, što fatahrafija była zroblena ŭ Dzień Niezaležnaści Ukrainy. U Sen-Trape kiraŭnika Ofisa ŭkrainskaha prezidenta zaprasili na viasielle. Pa słovach krynic, Bohdan nie prysutničaŭ na ŭračystych mierapryjemstvach z nahody Dnia niezaležnaści, jakija prajšli 23 i 24 žniŭnia.
Zialenski, kamientujučy hetuju publikacyju, paviedamiŭ, što za niekalki dzion da pajezdki ŭ Sen-Trape Bohdan pajšoŭ u adpačynak i byŭ zaprošany na viasielle siabra. «Ja jamu patelefanavaŭ i skazaŭ, što jon nie maje racyi ŭ hetaj situacyi. Jak adzin z realnych mahutnych ludziej va ŭładzie jon nie maje prava na Dzień Niezaležnaści svajoj krainy ŭ Sen-Trape hulać», — zajaviŭ jon.
Adkazvajučy na pytańnie, ci parušyŭ Bohdan svaimi dziejańniami zakon, Zialenski adznačyŭ, što nie ŭsio mierajecca zakonami.
Ciapier čytajuć
Alaksandr Łukašenka tak lasnuŭsia na lod na chakiei, što trybuny zamierli VIDEA121
Alaksandr Łukašenka tak lasnuŭsia na lod na chakiei, što trybuny zamierli VIDEA
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
Kamientary