11 lutaha dziesiacikłaśnik Vadzim Miłašeŭski zabiŭ nažom dvaich čałaviek u staŭbcoŭskaj škole: nastaŭnicu i vučnia. Jašče dvaich paraniŭ.
11 vieraśnia Vadzimu vynieśli prysud: 13 hadoŭ pazbaŭleńnia voli.
Siarhiej Ramanaŭ, baćka 11-kłaśnika Sašy, jakoha zabiŭ Vadzim, prakamientavaŭ «Našaj Nivie» prysud zabojcu svajho syna:
«Termin dali maksimalna mahčymy… Mnie jaho nie škada. Ja liču, što jaho nielha škadavać. Bo ja bačyŭ videa, jak jon biŭ nažom u kalidory — i ja nie baču ŭ im narmalnaje dzicia.
U apošnim słovie jon štości pramarmytaŭ, maŭlaŭ, prabačcie, ja nie chacieŭ… Ale jaki sens? Jon sam siabie vyharodžvaje. Jaho navučyli, što treba kazać, jon admaŭlaŭsia navat ad starych pakazańniaŭ. Kazaŭ, što raskajvajecca, ale ja nie vieru. Hetyja słovy ničoha nie značać, jon prosta vyharodžvaŭ siabie, kab dali mienšy termin.
Na pracesie my bačylisia z baćkami Vadzima. Ale jany nie padychodzili da mianie, my ź imi ŭvohule nie razmaŭlali».
Kamientary