Karajeŭ pra kampiensacyju za ŭvarvańnie AMAPu ŭ kvateru minskaha doktara: Pakryćcio naniesienaj škody zakonnaje i spraviadlivaje
«Pakryćcio naniesienaj škody zakonnaje i spraviadlivaje. MUS nie budzie abskardžvać rašeńnie suda», — prakamientavaŭ ministr unutranych spraŭ Juryj Karajeŭ. Jaho słovy pryvodzić u svaim telehram-kanale pres-sakratar MUS Volha Čamadanava.
Siońnia, 11 vieraśnia, sud Zavodskaha rajona pryznaŭ, što dziejańniami supracoŭnikaŭ milicyi nanieśli materyjalnuju škodu minčuku Dźmitryju Sieradzie i abaviazaŭ vypłacić jamu 3000 rubloŭ kampiensacyi.
Čytajcie taksama: Siamja doktara, u kvateru jakoha pamyłkova ŭvarvaŭsia AMAP, adsudziła kala 3000 rubloŭ
U žniŭni 2016 hoda supracoŭniki milicyi pry siłavoj padtrymcy bajcoŭ AMAPu pranikli ŭ kvateru, dzie pražyvaje siamja Sierady. Pry hetym byli paškodžany bałkonnaja i ŭvachodnaja dźviery, vybityja šyby.
4 žniŭnia 2016 hoda, paśla praniknieńnia ŭ kvateru, Dźmitryj Sierada byŭ zatrymany i źmieščany ŭ IČU HUUS Minharvykankama. Adnak jaho datyčnaść da złačynstva paćvierdžana nie była. Jon byŭ vyzvaleny pad abaviazacielstva ab jaŭcy.
«Abjektyŭna dziejańni supracoŭnikaŭ kryminalnaha vyšuku pry zatrymańni nie adpaviadali ciapierašniaj sytuacyi, a abranaja taktyka prymianieńnia śpiecpadraździaleńniaŭ była niapravilnaj, Supracoŭniki, jakija prymali rašeńnie ab zatrymańni, a taksama kiraŭniki, jakija ažyćciaŭlajuć viedamasny kantrol, pa vynikach praviadzieńnia słužbovaj pravierki pryciahnutyja da dyscyplinarnaj adkaznaści», — paviedamili ŭ MUS.
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary